Sigi gi usa yä rebista

Dende rä je̱ya 2018, nuꞌu̱ yä rebista xä thoki pa dä tꞌumbäbi yä jäꞌi, ya ho̱nse̱ ñä de nꞌa rä tema. Nuya yä rebista ꞌnehe ku̱tꞌi ha nuꞌu̱ «Yä erramienta pa gä udihu̱», hänge dä za gä usahu̱ ora di predikahu̱. ꞌNehe dä za gä hätsꞌihu̱ rꞌa yä rebista ora di pahu̱ ntai o nuꞌmu̱ di po̱nihu̱. Nuya yä rebista hinxä thoki pa gä unihu̱ kongehya yä curso de rä Biblia, pe dä za gä utihu̱ yä zi jäꞌi näꞌä imformäsio ehe pa njabu̱ nuꞌu̱ dä ne dä sigi dä bädi de Äjuä.

Ora gi predikabi nꞌa rä jäꞌi, ꞌñuti nꞌa rä testo de rä Biblia ꞌne ꞌñuti nꞌa rä rebista habu̱ ehe näꞌä imformäsio gi handi ge ma dä ho. Por ejemplo, mu̱ gi handi ge nꞌa rä jäꞌi pe̱ꞌtsi rä familia, ge turämu̱i o pe̱ꞌtsi yä xuñha, dä za gi ꞌñembäbi: «Hyandi, nuga dä heti nunä rebista habu̱ ehe nunä imformäsio». Mu̱ gi handi ge näꞌä jäꞌi hää bi ho näꞌä imformäsio, dä za gi tsokuäbi nꞌa rä rebista o gi pe̱mpäbi ha rä telefono o ha rä correo. Di pädihu̱ ge hingä toräza ma gä umbäbihu̱ yä rebista, pe hää dä za gä usahu̱ pa gä tinihu̱ nuꞌu̱ yä zi jäꞌi xa mäjuäni honi Äjuä (Hch 13:48).

2018

2019

2020