¿Te signifika pa nuju̱ näꞌä rä Pa de gä Nsu̱kä pekado?

16:12-15

Ha näꞌä rä Pa de gä Nsu̱kä pekado, mi tsꞌätꞌi rä tꞌutsꞌi. ¿Te dä za gä pädihu̱ de geꞌä?

• Mäpaya, nuꞌu̱ yä sadi di ja yä hogä ꞌme̱go rä Zi Dada Jeoba, ꞌñenä näꞌä rä tꞌutsꞌi xa mi yu̱ni xä ku̱hi ora mi tsꞌätꞌi ndelante de Jeoba (Sl 141:2). Ja ngu näꞌä rä ndä gä majhä ko ndunthi rä tꞌekꞌei mi ofresebi Jeoba näꞌä rä tꞌutsꞌi, nuju̱ ꞌnehe di xatuäbihu̱ rä Zi Dada Jeoba ko ndunthi rä tꞌekꞌei.

• Näꞌä rä ndä gä majhä mꞌe̱tꞌo mi tsätꞌi rä tꞌutsꞌi änte de dä uni yä ofrenda. Njabu̱ ꞌnehe, änte dä uni rä te rä Hesu, mꞌe̱tꞌo bi ꞌñudi ge mi o̱te ꞌne mi yꞌo mänjuäntho ha rä ꞌñuu rä Zi Dada Jeoba.

¿Te debe gä pe̱fi mu̱ di ne ge rä Zi Dada Jeoba dä numäñho nuꞌu̱ yä ofrenda di umbäbi?