Rä ley rä Zi Dada Jeoba rꞌakägihu̱ rä mfädi

Mu̱ di o̱tehu̱ yä mhända rä Zi Dada Jeoba, di udihu̱ ge ja mä mfenihu̱ ꞌne di pe̱ꞌtsihu̱ rä mfädi (Dt 4:6; it-1-S rä nxii 821, rä parr. 6).

Ora yä jäꞌi handi hanja xä maxkägihu̱ rä ley Äjuä ha mä mꞌu̱ihu̱, nuꞌu̱ rekonose ge rä ley Äjuä uni rä mfädi (Dt 4:6; w99-S 1/11 rä nxii 20, yä parr. 6, 7).

Toꞌo pe̱päbi rä Zi Dada Jeoba mänꞌa pe̱ꞌtsi nꞌa rä hogä mꞌu̱i ke nuꞌu̱ hinä (Dt 4:7, 8; w07-S 1/8 rä nxii 29, rä parr. 13).

Ndunthi yä jäꞌi xä joni ko rä Zi Dada Jeoba ngeꞌä xä hyandi hanja di porta nuꞌu̱ toꞌo pe̱päbi.

¿Hanja xkä handi ge xä jäpiꞌi rä Zi Dada Jeoba ngeꞌä xkä o̱tꞌe ntsꞌe̱di po gi pe̱päbi yä mhända?