Rä espiritu santo Jeoba go geꞌä bi mpe̱fi

Ha nuꞌu̱ yä je̱ya xä thogi, yä ꞌme̱go rä Zi Dada Jeoba xä logra xä ja ndunthi yä ꞌme̱fi, pe hingä po yä tsꞌe̱dise̱, sino po rä espiritu Jeoba. Ha rä je̱ya 1954, rä hnini Äjuä bi gu̱ki ha rä idioma inglés nꞌa rä pelikula rä thuhu: La Sociedad del Nuevo Mundo en acción. Ndunthi de nuꞌu̱ yä ku bi mfaxte ha nunä proyecto, hinte mä esperiensia mi pe̱ꞌtsi pa dä hyoki yä bideo. Pe ko rä mfatsꞌi rä Zi Dada Jeoba bi za bi thoki nunä bideo. ¿Te dä za gä pädihu̱? Ge hingi mporta te mä asignación dä tꞌakägihu̱, ma dä za gä kumplihu̱ ko rä mfatsꞌi rä Zi Dada Jeoba (Zac 4:6).

HYANDIHU̱ RÄ BIDEO HANJA BI THOKI RÄ BIDEO «LA SOCIEDAD DEL NUEVO MUNDO EN ACCIÓN». MꞌE̱FA THÄDIHU̱ NUYA YÄ NTꞌANI:

• ¿Pa te bi thoki näꞌä rä pelikula mi ñä de rä central mundial?

• ¿Hanja bi ꞌñudi näꞌä pelikula ge rä ngu Betel di mpe̱fi ꞌñenä ngu rä ndoyꞌo nꞌa rä jäꞌi? (1Co 12:14-20).

• ¿Te mä xuñha bi ñhandui yä ku ꞌne te bi me̱fiꞌu̱?

• ¿Te dä za gä pädihu̱ de hanja di mpe̱fi rä espiritu santo Jeoba?