Jeoba go ma dä ntuhni po geꞌähu̱

David mi konose xä ñho Jeoba, hänge mi ꞌmu̱i seguro ge ma xä matsꞌi (1Sa 17:36, 37; wp16.5-S rä nxii 11, yä parr. 2, 3).

David himbi zu Goliat ngeꞌä mi pädi ge Jeoba näꞌä mänꞌa rä dängi (1Sa 17:45-47; wp16.5-S rä nxii 11, yä parr. 8, 9).

Ko rä mfatsꞌi Jeoba, David bi däpäbi Goliat (1Sa 17:48-50; wp16.5-S rä nxii 12, rä parr. 4; hyandi näꞌä rä kꞌoi ehe ha rä mu̱di nxii).

Rꞌabu̱ di ñhanduihu̱ rꞌa yä xuñha nuꞌu̱ di handihu̱ ge xa yä dängi, ngu ora di thogihu̱ yä ntꞌu̱tsate o nuꞌmu̱ di jakhu̱ xä ñhei gä he̱gihu̱ nꞌa rä bisio. Oraꞌä, mähyoni gä benihu̱ ge Jeoba mänꞌa rä dängi ꞌne ja ndunthi rä tsꞌe̱di pa dä maxkägihu̱ (Job 42:1, 2).