Usa rä mfistꞌofo ¡Johya pa nzäntho! pa gi fatsꞌi märꞌa dä ze̱di yä jamfri po Jeoba ꞌne rä Hesu

Pa dä numäñho Äjuä nuꞌu̱ mä estudiantehu̱, mähyoni ge nuꞌu̱ dä me̱ꞌspäbi rä komfiansa (Heb 11:6). Rä mfistꞌofo ¡Johya pa nzäntho! ma dä maxkägihu̱ gä tso̱mbäbihu̱ ha yä koraso ora di umbäbihu̱ yä curso. Nunä he̱ꞌmi udi ndaꞌu̱ nuꞌu̱ yä testo mähyoni gi ñhetihu̱, di ñꞌoui yä kꞌoi, yä bideo, yä ntꞌani ꞌne hingi hei toꞌo dä ntiende. Mu̱ gä faxu̱ nuꞌu̱ mä estudiantehu̱ dä mädi Äjuä ꞌne dä me̱ꞌtsi nꞌa rä hogä ntsitsꞌi kongeꞌä, geꞌä ma dä matsꞌi pa dä ze̱ti nuꞌu̱ yä prueba dä ꞌñepäbi (1Co 3:12-15).

Koꞌmu̱ hinto tsa dä hyandi Äjuä, ndunthi yä jäꞌi di mbeni ge hindä za dä ntsitsꞌi kongeꞌä. Po rängeꞌä xa mähyoni gä fatsꞌihu̱ dä konose Äjuä, pa dä za dä me̱ꞌspäbi rä komfiansa.

HYANDIHU̱ RÄ BIDEO USA RÄ MFISTꞌOFO «¡JOHYA PA NZÄNTHO!» PA GI FATSꞌI MÄRꞌA DÄ ZE̱DI YÄ JAMFRI PO JEOBA. MꞌE̱FA THÄDIHU̱ NUYA YÄ NTꞌANI:

• ¿Hanja di pädihu̱ ge rä nju bi ñhoki xä ñho ko rä imformäsio änte de dä uni rä curso?

• ¿Te mä ntꞌani bi yꞌo̱tꞌe rä nju pa bi matsꞌi rä estudiante dä ntiende näꞌä hutsꞌi ha Isaías 41:10, 13?

• ¿Hanja bi matsꞌi rä estudiante nuꞌu̱ yä testo ꞌne näꞌä rä bideo bi ꞌñuti?

Ndunthi yä zi jäꞌi di japi xä ñhei dä hyandi rä rescate ngu nꞌa rä regalo pa geꞌu̱ (Gál 2:20). Po rängeꞌä, mähyoni gä fatsꞌihu̱ dä gamfri ge rä Hesu ꞌnehe bi du po geꞌu̱.

HYANDIHU̱ RÄ BIDEO USA RÄ MFISTꞌOFO «¡JOHYA PA NZÄNTHO!» PA GI FATSꞌI MÄRꞌA DÄ ZE̱DI YÄ JAMFRI PO RÄ HESU. MꞌE̱FA THÄDIHU̱ NUYA YÄ NTꞌANI:

• ¿Hanja di pädihu̱ ge rä ku bi ñhoki xä ñho ko rä imformäsio änte de dä uni rä curso?

• ¿Hanja bi usa näꞌä rä imformäsio ehe rä sección «Habu̱ dä za gi pädi mä nꞌa tu̱i» pa bi matsꞌi rä estudiante?

• ¿Por hanja xa mähyoni gi xadi ko ri estudiante?