Mfaxte de gä precursor

Hyoni hanja dä za gi usa mänꞌa xä ñho ri tiempo ꞌne ri tsꞌe̱di pa gi pe̱päbi rä Zi Dada Jeoba änte de dä zo̱ho̱ rä fin (1Co 9:26; Ef 5:15, 16). Ha ri Mhuntsꞌi de gä Familia dä za gi ñähu̱ hanja dä za gi pe̱päbihu̱ mä nꞌa tu̱i rä Zi Dada Jeoba ha näꞌä rä je̱ya de gä servicio xä ꞌñepu̱. Ha nunä Programä pa yä mhuntsꞌi ma gä tinihu̱ ndunthi yä artikulo nuꞌu̱ mää ngu te mä meta dä za gi tsu̱dihu̱. Pa geꞌä mꞌe̱tꞌo xatuäbihu̱ rä Zi Dada Jeoba änte de gi hñutsꞌihu̱ nꞌa rä meta (Snt 1:5).

Ha ri familia, ¿ꞌmu̱pu̱ toꞌo dä za dä mfaxte de gä precursor regular? Mu̱ gi tsu hingi kumpli ko nuꞌu̱ yä ora tꞌadi, dä za gä yꞌambäbi märꞌa yä precursor hanja di japäbi pa di kumpli ko yä ora (Pr 15:22). Dä za gi mbitabi nꞌa rä precursor ha ri Mhuntsꞌi de gä Familia pa gi entrebista, ꞌnepu̱ hyokise̱ nꞌa ri orario pa gi predika. Pe mu̱ mä mꞌe̱tꞌo gä mfaxte de gä precursor, ¿gi kamfri ge ya dä za gi tsapi gi mprecursor mänꞌaki?

Mu̱ po mientra hinto dä za dä mprecursor regular ha ri familia, ¿dä za toꞌo dä mfaxte de gä precursor auxiliar nꞌa nzänä o mä nꞌa hängu yä zänä? Mu̱ nuꞌi gi hñeni o ya grä zi däta jäꞌi, dä za gi predika ho̱nse̱ nꞌa zi rato hyaxtho. O mu̱ otho ri tiempo pa gi predika de gä semänä ngeꞌä gi mpe̱fi o gi pa rä skuela, ¿dä za gi mfaxte de gä precursor auxiliar ha nuꞌu̱ yä zänä ja yä bakasio o ha nuꞌu̱ yä zänä hñä ku̱tꞌa yä nsabdo ꞌne yä ndomingo? Märka ha nꞌa rä kalendario te mä zänä gi hohmä gi mfaxte de gä precursor auxiliar, ꞌne hyoki nꞌa rä programä habu̱ ma gi hñutsꞌi te mä pa ꞌne te mä ora ma gi predika (Pr 21:5).

HYANDIHU̱ RÄ BIDEO ꞌÑUDIHU̱ RÄ BALO… YÄ PREKURSOR. MꞌE̱FA THÄDIHU̱ NUNÄ RÄ NTꞌANI:

• ¿Hanja bi matsꞌi ꞌne bi su rä Zi Dada Jeoba rä nju Aamand, ꞌne te utkägihu̱?