Hanja dä za gä usahu̱ nuꞌu̱ yä idea ehe habu̱ enä «Njaua dä za gi predika»

Yä ku xa bi mbeni xä ñho te mä ntꞌani ꞌne te mä testo dä hñutsꞌi ha nuꞌu̱ yä presentasion ehe habu̱ enä «Njaua dä za gi predika». Ndunthi yä publicador xa di ho nuya yä presentasion ꞌne xä matsꞌi ndunthi ha yä territorio. Pe kada nꞌa rä luga di nꞌañꞌo, hänge ora di po̱ni di predikahu̱ dä za gä paatihu̱ nꞌa tu̱i näꞌä rä presentasion, o dä za gä ñähu̱ de mä nꞌa rä tema näꞌä tupäbi yä mu̱i yä jäꞌi de mä territoriohu̱. Pe mu̱ näꞌä zänä di ꞌmu̱hu̱ toka nꞌa rä campaña, nuꞌmu̱ ri ꞌñehe gä usahu̱ näꞌä presentasion ja ngu ehe. Njabu̱ ma gä kumplihu̱ ko näꞌä rä mhända bi uni rä Hesu de gä predikahu̱ nuꞌu̱ yä hogä notisia de rä Gobiernu Äjuä (Mt 24:14).

Pe mu̱ tokaꞌi gi thoꞌtsi nꞌa rä presentasion ha näꞌä rä mhuntsꞌi ja entre semänä, nuꞌmu̱ mähyoni gi usa näꞌä rä tema ehe ha rä Programä pa yä mhuntsꞌi. Mu̱ gi ne, dä za gi paati näꞌä rä mu̱di ntꞌani huxpu̱, rä testo, o rä ntꞌani pa rä rebisita. Pe mu̱ ha rä Programä pa yä mhuntsꞌi ehebu̱ nꞌa rä instrucción habu̱ di mää ge hingi debe gi paati, nuꞌmu̱ ogi paati. Nubye̱ go ma gä jamäsuhu̱ nunä imformäsio, en lugar de näꞌä imformäsio bi bo̱ni ha rä Programä pa yä mhuntsꞌi de rä junio de rä 2020, rä nxii 8.