¿Gi handi hanja Jeoba thädi ri sadi?

Ha rä Biblia hutsꞌi ndunthi yä sadi nuꞌu̱ bi dädi rä Zi Dada Jeoba. Ndunthi de nuꞌu̱ yä ꞌme̱go Äjuä de mäyaꞌmu̱ mänꞌa bi ze̱di yä jamfri nuꞌmu̱ bi hyandi hanja rä Zi Dada Jeoba mi turämu̱i po geꞌu̱ ꞌne mi umbäbi rä mfatsꞌi. Hänge ora di xatuäbihu̱ rä Zi Dada Jeoba mähyoni gä xipäbihu̱ xä ñho te tukä mä mu̱ihu̱ ꞌne te mä mfatsꞌi di honihu̱. ꞌNehe xa ma gä ndo̱ꞌmihu̱ pa gä handihu̱ hanja ma dä dädi mä sadihu̱. Mähyoni gä benihu̱ ge rä Zi Dada Jeoba dä za dä dädi mä sadihu̱ de nꞌa rä modo näꞌä hindi to̱ꞌmihu̱, o rꞌabu̱ asta dä za dä rꞌakägihu̱ näꞌä hixtä apäbihu̱ (2Co 12:7-9; Ef 3:20). Ma gä handihu̱ hanja Jeoba thädi mä sadihu̱.

• Nupkä mä mfenihu̱ pa dä ze̱di mä jamfrihu̱ ꞌne gä ze̱tihu̱ yä xuñha (Flp 4:13).

• Rꞌakägihu̱ rä mfädi pa gä huahnihu̱ yä hogä desision (Snt 1:5).

• Rꞌakägihu̱ rä ganä ꞌne rä tsꞌe̱di pa gä pe̱fihu̱ näꞌä xä ñho (Flp 2:13).

• Hotkägihu̱ ora di tumämu̱ihu̱ (Flp 4:6, 7).

• Usa mä kuhu̱ pa dä maxkägihu̱ ꞌne dä animägihu̱ (1Jn 3:17, 18).

• Fatsꞌi nuꞌu̱ yä jäꞌi di no̱nihu̱ ha mä sadihu̱ (Hch 12:5, 11).

HYANDIHU̱ RÄ BIDEO RÄ ZI DADA JEOBA GO GEꞌÄ «O̱DE YÄ SADI». MꞌE̱FA THÄDIHU̱ NUYA YÄ NTꞌANI:

• Mu̱ nuꞌi gi hñeni, ¿hanja di animäꞌi rä esperiensia rä ku Shimizu?

• ¿Hanja dä za gä de̱mbäbihu̱ rä ejemplo rä ku Shimizu?