Huahni xä ñho näꞌä rä jäꞌi ma gi nthätui

Salomón bi nthätui nuꞌu̱ yä ꞌme̱hñä mi adora yä hyate zidada (1Re 11:1, 2; w18.07-S rä nxii 18, rä parr. 7).

Nuꞌu̱ yä ꞌme̱hñä bi nthätui Salomón bi japi bi ꞌuengi de rä ꞌñuu rä Zi Dada Jeoba (1Re 11:3-6; w19.01-S rä nxii 15, rä parr. 6).

Rä Zi Dada Jeoba xa bi nkue̱ ko rä rey Salomón (1Re 11:9, 10; w18.07-S rä nxii 18, rä parr. 9).

Rä Biblia embäbi nuꞌu̱ yä soltero ge mu̱ ne dä nthäti, mähyoni dä nthäti ko nꞌa rä jäꞌi näꞌä «pe̱päbi Äjuä ꞌnehe» (1Co 7:39). Mäske nꞌa rä jäꞌi ya xä nxixtehe hindi signifika ge pe̱ꞌtsi nꞌa rä hogä ntsitsꞌi ko rä Zi Dada Jeoba. Hänge änte de dä nthäti nꞌa rä kristianu, debe mꞌe̱tꞌo dä konose xä ñho tengu rä uso näꞌä jäꞌi ne dä nthätui ꞌne dä yꞌo̱tꞌe nuya yä ntꞌani: «¿Ma dä maxkägi nunä jäꞌi gä pe̱päbi rä Zi Dada Jeoba ko ngatꞌho mä koraso? ¿Ya xä ꞌñudi po nꞌa rä tiempo ge xa mäjuäni mädi rä Zi Dada Jeoba?».