Nehemías bi hyoni dä matsꞌi märꞌaa

Nehemías mäske mi pe̱ꞌtsi rä autorida, himbi probecha de märꞌaa (Ne 5:14, 15, 17, 18; w02-S 1/11 rä nxii 27, rä parr. 3).

Nehemías hingä ho̱nse̱ bi hyandi hanja mi pa yä ꞌme̱fi, näꞌä ꞌnehe bi mpe̱fi (Ne 5:16; w16.09-S rä nxii 6, rä parr. 16).

Nehemías bi yꞌapäbi Jeoba ge xä beni gatꞌho näꞌä xki me̱fiꞌä po dä matsꞌi rä hnini (Ne 5:19; w00-S 1/2 rä nxii 32).

Mäske Nehemías mi go geꞌä rä gobernador, näꞌä himbi yꞌadi ge drä trata mänꞌa xä ñho. Xi nꞌa rä hogä ejemplo pa nuꞌu̱ pe̱ꞌtsi yä responsabilida ha rä mhuntsꞌi.

ÑꞌANISE̱: «Xi nuga, ¿te mänꞌa di ho? ¿Gä fatsꞌi märꞌaa o di to̱ꞌmi ge dä märꞌaa go dä maxkägi?».