¿Te mä meta gi hohmä gi tsu̱di dende rä zänä septiembre?

Ora di hutsꞌihu̱ nꞌa rä meta ꞌne di o̱thu̱ ntsꞌe̱di po gä tsu̱dihu̱, di utihu̱ rä Zi Dada Jeoba hängu di mädihu̱ ꞌne näꞌä xa di johya. Pe, ꞌnehe yä meta faxkägihu̱ pa mänꞌa dä ze̱di mä ntsitsꞌihu̱ ko Äjuä (1Ti 4:15). Koꞌmu̱ nse̱kitho dä za dä mpadi mä ꞌmu̱ihu̱, po rängeꞌä mänꞌa mähyoni gä handihu̱ njatꞌä ngu te mä meta hää dä za gä tsu̱dihu̱ ꞌne ndaꞌu̱ ya hinä. O mu̱ ya dä tsu̱dihu̱ nꞌa de geꞌu̱, nubye̱ dä hogi gä hutsꞌihu̱ märꞌaa.

Tatꞌä je̱ya, änte de dä mu̱di rä zänä septiembre di pe̱ꞌtsihu̱ rä oportunida pa gä mbenihu̱ te mä meta di ne gä tsu̱dihu̱. ¿Ya xkä mbeni gi ñähu̱ de geꞌä ha ri Mhuntsꞌihu̱ de gä Familia? Dä za gi mäñhu̱ te mä meta gi hohmä gi tsu̱dihu̱ kada nꞌa de geꞌähu̱ ꞌne te mä meta gi hohmä gi tsu̱dihu̱ gatꞌho.

¿Ndaꞌä de nuya yä meta gi hohmä gi hñutsꞌi ꞌne te ma gi pe̱fi pa gi tsu̱di?