18-24 DE RÄ MÄRSO
SALMOS 19-21
Rä jähñä 6 ꞌne rä sadi | Mää te ma gä pädihu̱ (1 min.)
1. Mähetsꞌi nsunda Äjuä
(10 min.)
Nuꞌu̱ yä tꞌo̱tꞌe xä hyoki Äjuä eꞌspäbi rä nsu (SI 19:1; w04-S 1/1 rä nxii 8, yä parr. 1, 2).
Jeoba bi hyoki xa mähotho rä Hyadi (SI 19:4-6; w04-S 1/6 rä nxii 11, yä parr. 8-10).
Ma gä handihu̱ te dä za gä pädihu̱ de näꞌä xä hyoki Äjuä (Mt 6:28; g95-S 8/11 rä nxii 7, rä parr. 2).
NꞌA RÄ IDEA PA RI MHUNTSꞌI DE GÄ FAMILIA: ꞌUekehu̱ rä tiempo pa gi hyandihu̱ näꞌä xä hyoki Äjuä, ꞌnepu̱ ñähu̱ de te utꞌäꞌihu̱ de Jeoba.
2. Hyoni hanja dä maxꞌäꞌi rä Noya Äjuä
(10 min.)
SI 19:7-9. ¿Hanja ma dä benefisiagihu̱ mu̱ gä nxadihu̱ rä Noya Äjuä? (w00-S 1/10 rä nxii 13, rä parr. 4).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä Mäkä Tꞌofo
(4 min.) SI 19:1-14 (th rä lección 11).
4. Fu̱di gi ñäui yä jäꞌi
(3 min.) PREDIKA KO RÄ EXHIBIDOR. Umbäbi näꞌä jäꞌi nꞌa rä imbitasio pa dä ntini ha rä Fenäte de rä du rä Hesu. ꞌÑuti hanja dä yu̱tꞌi ha jw.org pa dä hyoni nꞌa rä luga näꞌä di kohi getbu̱ de habu̱ ꞌmu̱i (lmd rä lección 2 rä punto 3).
5. Fu̱di gi ñäui yä jäꞌi
(4 min.) PREDIKA HABU̱ GATꞌHO GI YꞌO. Umbäbi rä hogä ꞌñehe nꞌa rä jäꞌi näꞌä bi ntini ha rä Fenäte ngeꞌä bi tsꞌokuäbi nꞌa rä imbitasio ha rä nguu. Xipäbi ge mu̱ pe̱ꞌtsi yä ntꞌani, nuꞌi dä za gi fatsꞌi (lmd rä lección 3 rä punto 4).
6. Mää näꞌä gi kamfri
(5 min.) Discurso. Usa rä ijwfq 45. Título: ¿Por hanja yä testigo rä Jeoba o̱tꞌe näꞌä rä Fenäte de rä du rä Kristo, pe hingä ja ngu di ja märꞌa yä relijion? (th rä lección 6).
Rä jähñä 141
7. Gä handihu̱ te gatꞌho xä hyoki Äjuä japi dä ze̱di mä jamfrihu̱
(15 min.) Yꞌapäbi rä mfatsꞌi nuꞌu̱ xä ntini. Yꞌe̱ntsꞌihu̱ rä BIDEO, mꞌe̱fa yꞌo̱tꞌe nunä rä ntꞌani:
De näꞌä gä handi ha rä bideo, ¿te gi kamfri ge ma dä maxꞌäꞌi dä ze̱di ri komfiansa po Äjuä?
8. Ntꞌudi de rä Mäkä Tꞌofo ha rä mhuntsꞌi
(30 min.) bt rä ntheke 4, yä parrafo 13-20.