29 DE RÄ ABRIL–5 DE RÄ MÄYO
SALMOS 34, 35
Rä jähñä 10 ꞌne rä sadi | Mää te ma gä pädihu̱ (1 min.)
1. «Ma gä nsunda Äjuä gatꞌho yä pa»
(10 min.)
Rä rey David bi nsunda Äjuä asta ora mi thogi yä dängä xuñha (Sl 34:1; w07-S 1/3 rä nxii 22, rä parr. 11).
David mi eꞌspäbi rä nsu rä Zi Dada Jeoba pe nunka bi ñꞌexäse̱ rä nsu (Sl 34:2-4; w07-S 1/3 rä nxii 22, rä parr. 13).
David bi japäbi dä ze̱di yä jamfri märꞌaa ko nuꞌu̱ yä jähñä mi tutuäbi rä Zi Dada Jeoba (Sl 34:5; w07-S 1/3 rä nxii 23, rä parr. 15).
Mꞌe̱fa de nuꞌmu̱ Jeoba bi matsꞌi David dä kꞌotꞌi de yä yꞌe̱ Abimélec, 400 de nuꞌu̱ yä soldado Saúl xki me̱ꞌtsi yä xuñha kongeꞌä, bi zopu̱ Saúl ꞌne bi matsꞌi David ha yä yꞌotꞌä hai (1Sa 22:1, 2). Zäi ge nuꞌmu̱ David bi yꞌofo nunä rä Salmo mi o ha rä mfeni näꞌä bi me̱fi nuꞌu̱ yä ñꞌo̱ho̱ (habu̱ fu̱di rä Salmo 34).
ÑꞌANISE̱: «Ora di mplatika ko nꞌa rä ku ha rä mhuntsꞌi, ¿te dä za gä xipäbi näꞌä dä ꞌñeꞌspäbi rä nsu Jeoba?».
2. Hyoni hanja dä maxꞌäꞌi rä Noya Äjuä
(10 min.)
Sl 35:19. ¿Te bi ne bi mää David nuꞌmu̱ bi yꞌapäbi rä Zi Dada Jeoba ge hinxä hyopäbi ge nuꞌu̱ yä nkontra xä ntsꞌintꞌuä da entre geꞌu̱? (w06-S 15/5 rä nxii 20, rä parr. 2).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä Mäkä Tꞌofo
(4 min.) Sl 34:1-22 (th rä lección 5).
4. Fu̱di gi ñäui yä jäꞌi
(2 min.) PREDIKA HABU̱ GATꞌHO GI YꞌO. Näꞌä platika ma dä uadi änte de dä za gi predikabi näꞌä jäꞌi (lmd rä lección 1 rä punto 4).
5. Tso̱ni mänꞌaki yä jäꞌi
(4 min.) PREDIKA HABU̱ GATꞌHO GI YꞌO. (lmd rä lección 2 rä punto 4).
6. Mää näꞌä gi kamfri
(5 min.) ꞌÑudi hanja gi ja. Usa rä ijwfq 59. Título: ¿Te o̱tꞌe ngue̱nda nꞌa rä testigo rä Jeoba pa dä bädi mu̱ dä yꞌo̱tꞌe o dä partisipa ha nꞌa rä ngo o hinä? (th rä lección 17).
Rä jähñä 59
7. Nsunda Jeoba ha yä mhuntsꞌi
(15 min.) Yꞌapäbi rä mfatsꞌi nuꞌu̱ xä ntini.
¿Hanja dä za gä nsundahu̱ Jeoba ha yä mhuntsꞌi? Ma gä handihu̱ hñuu yä forma.
Ora di mplatikahu̱ ko märꞌaa: Dä hogi gä xipäbihu̱ hanja rä Zi Dada Jeoba xä ꞌñudi rä ñhojäꞌi kongekhu̱ (Sl 145:1, 7). Por ejemplo: ¿Ja te xkä heti o xkä o̱de de rä Noya Äjuä näꞌä xä nupꞌäꞌi ri mfeni? ¿Gä pe̱ꞌtsi nꞌa rä hogä esperiensia ha rä predicación? ¿Xä maxꞌäꞌi o xä nupꞌäꞌi ri mfeni näꞌä bi me̱fi nꞌa rä ku? ¿Xä japi xä ze̱di ri jamfri nꞌa de nuꞌu̱ yä tꞌo̱tꞌe xä hyoki Äjuä? Gatꞌho nuya yä tꞌo̱tꞌe nꞌa rä regalo bi ehe de Jeoba (Snt 1:17). Mu̱ gi tso̱ni rꞌa yä minuto änte de dä mu̱di rä mhuntsꞌi ma dä za gi mplatika ko yä ku de nuya yä tꞌo̱tꞌe.
Ora di unihu̱ yä komentario: Ma gä o̱thu̱ ntsꞌe̱di po gä unihu̱ mädi nꞌa rä komentario ha kada nꞌa rä mhuntsꞌi (Sl 26:12). ¿Hanja dä za gi ja? Dä hogi gi mää ho̱nse̱ näꞌä thädi rä ntꞌani, mää nꞌa rä punto näꞌä tobe hinto xä no̱nitho, esplika nꞌa rä testo o nꞌa rä foto, o mää hanja ma dä maxꞌäꞌi ha ri mꞌu̱i näꞌä imformäsio. Dä hogi gi hyoki ndunthi yä komentario ngeꞌä märꞌa yä ku ꞌnehe ma dä gu̱xä yä yꞌe̱ ora gi ne gi uni nꞌa rä komentario. Beni ge mu̱ nuꞌu̱ mä komentariohu̱ di dura 30 yä segundo o menu, mä ndunthi yä ku ma dä me̱ꞌtsi rä oportunida de dä nsunda Äjuä ko yä komentario (Heb 13:15).
Ora di tutuäbihu̱ yä jähñä: Ma gä ntuhuhu̱ ha rä mhuntsꞌi ko ndunthi rä johya (Sl 147:1). Mu̱ ha ri mhuntsꞌi di ntini ndunthi yä ku ꞌne himbi tꞌaꞌi nꞌa rä komentario, beni ge ꞌnehe dä za gi nsunda rä Zi Dada Jeoba ora gi tutuäbi yä jähñä. Mu̱ gi ntuhu ntsꞌe̱di ꞌne ko rä johya, rä Zi Dada Jeoba xa ma dä numäñho asta mu̱ gi senti ge hingi tuhu xä ñho (2Co 8:12). Pe ꞌnehe mänꞌa xa dä hogi mu̱ gi nsaya nuꞌu̱ yä jähñä ha ri nguu.
Yꞌe̱ntsꞌihu̱ rä BIDEO Näꞌä bi thogi mäyaꞌmu̱ ꞌne näꞌä thogi mäpaya: Nuꞌu̱ yä jähñä eꞌspäbi rä nsu Jeoba (parte 1). Mꞌe̱fa yꞌo̱tꞌe nunä rä ntꞌani:
Dende bi mu̱di bi forma rä hnini Jeoba, ¿te xä me̱fi pa xä ꞌñeꞌspäbi rä nsu rä Zi Dada Jeoba ko yä jähñä?
8. Ntꞌudi de rä Mäkä Tꞌofo ha rä mhuntsꞌi
(30 min.) bt rä ntheke 6, yä parrafo 18-24 ꞌne rä rekuadro de rä nxii 48.