27 DE RÄ MÄYO–2 DE RÄ JUNIO
SALMOS 42-44
Rä jähñä 86 ꞌne rä sadi | Mää te ma gä pädihu̱ (1 min.)
1. Probecha xä ñho gatꞌho näꞌä rä ntꞌudi bi ehe de rä Zi Dada Jeoba
(10 min.)
Ogi hopi ge nixi nꞌa rä tꞌo̱tꞌe dä hyu̱kꞌäꞌi de gi ntini mähye̱gi ko yä ku pa gi xo̱kämbeni rä Zi Dada Jeoba (Sl 42:4, 5; w06-S 1/6 rä nxii 9, rä parr. 4).
Xatuäbi rä Zi Dada Jeoba änte de gi nxadi rä Mäkä Tꞌofo (w12-S 15/1 rä nxii 15, rä parr. 2).
Hyopäbi ge rä Noya Äjuä dä gu̱hni ri te (Sl 43:3).
Gatꞌho näꞌä utkägihu̱ rä Zi Dada Jeoba, faxkägihu̱ pa gä ñhanduihu̱ yä xuñha ꞌne gä pe̱päbihu̱ pa nzäntho ja ngu dä prometebihu̱ ora dä umbäbihu̱ mä tehu̱ (1Pe 5:10; w16.09-S rä nxii 5, yä parr. 11, 12).
2. Hyoni hanja dä maxꞌäꞌi rä Noya Äjuä
(10 min.)
Sl 44:19. ¿Zäi te di signifika nunä rä testo ora enä «habu̱ bi ꞌmu̱i yä chacal» o yä mbängä tsatꞌyo? (it-1-S 470).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä Mäkä Tꞌofo
(4 min.) Sl 44:1-26 (th rä lección 11).
4. Fu̱di gi ñäui yä jäꞌi
(4 min.) PREDIKA HA YÄ NGUU. Ofresebi nꞌa rä curso de rä Mäkä Tꞌofo (lmd rä lección 5 rä punto 5).
5. Tso̱ni mänꞌaki yä jäꞌi
(5 min.) PREDIKA HA YÄ NGUU. Mbitabi näꞌä zi jäꞌi dä ntini ha rä mhuntsꞌi pa dä yꞌo̱de rä discurso público. ꞌNepu̱ presentabi rä bideo ¿Te di tꞌo̱tꞌe ha rä Ngu de gä Mhuntsꞌi?, ꞌne ñähu̱ de gehnä (pe ogi e̱ntsꞌi) (lmd rä lección 7 rä punto 5).
6. Discurso
(3 min.) Usa rä foyeto lmd habu̱ enä: Rä mfatsꞌi A rä punto 4. Título: Gatꞌho yä jäꞌi ma dä nja yä nzaki (th rä lección 2).
Rä jähñä 21
7. Desidi xä ñho de te ma gi nxadi ꞌne de te ma gi mpe̱fi
(15 min.) Yꞌapäbi rä mfatsꞌi nuꞌu̱ xä ntini.
Bäsjäꞌi, ¿ya gi pädi te ma gi pe̱fi xki huati rä skuela? Zäi ge asta xkä mbeni te mä ꞌme̱fi ma gi ju̱u̱ pa dä za gi mprekursor. O zäi xkä mbeni gi sigi gi ma rä skuela pa gi pädi nꞌa rä ofisio o gi ju̱ nꞌa rä curso näꞌä dä maxꞌäꞌi gi tsu̱di nꞌa rä ꞌme̱fi. ¡Zäi ge ya xki tu gi tsu̱di nunä rä meta! Pe mäske njabu̱, zäi ge di jaꞌi xä ñhei gi ju̱ nꞌa rä hogä desision. ¿Por hanja? Ngeꞌä rꞌa yä jäꞌi dä za dä presionaꞌi o dä rꞌaꞌi rꞌa yä sugerencia de te di debe gi pe̱fi. ¿Te ma dä maxꞌäꞌi pa gi ju̱ nꞌa rä hogä desision?
Hñeti Mateo 6:32, 33. Mꞌe̱fa, yꞌambäbi nuꞌu̱ xä ntini:
¿Por hanja mꞌe̱tꞌo di debe gi desidi hanja gi pe̱päbi rä Zi Dada Jeoba ꞌne mꞌe̱fa gi desidi mu̱ gi sigi gi ma rä skuela o de te ma gi mpe̱fi?
¿Te dä za dä me̱fi yä dada pa dä matsꞌi yä bätsi dä jamäsu Mateo 6:32, 33? (Sl 78:4-7).
Ogi hopi ge rä nkꞌatꞌä bojä o de gi mfamoso dä hyu̱kꞌäꞌi de gi ju̱ nꞌa rä hogä desision (1Jn 2:15, 17). Beni ge nuꞌu̱ jabi yä bojä mänꞌa di japäbi xä ñhei dä gamfri rä Noya Äjuä (Lu 18:24-27). Nuꞌu̱ otꞌe̱ ntsꞌe̱di po dä nriko, mänꞌa di japäbi xä ñhei dä me̱päbi rä Zi Dada Jeoba ꞌne dä me̱ꞌtsi nꞌa rä hogä ntsitsꞌi kongeꞌä (Mt 6:24; Mr 8:36).
Yꞌe̱ntsꞌihu̱ rä BIDEO ¡Ogi huxä ri komfiansa ha nuꞌu̱ yä tꞌo̱tꞌe ma dä faya!: Yä bojä. Mꞌe̱fa, yꞌambäbi nuꞌu̱ xä ntini:
¿Hanja dä za dä maxꞌäꞌi Proverbios 23:4, 5 pa gi ju̱ nꞌa rä hogä desision?
8. Ntꞌudi de rä Mäkä Tꞌofo ha rä mhuntsꞌi
(30 min.) bt rä ntheke 8 yä parrafo 1-4 ꞌne rä rekuadro de yä nxii 61, 62.