29 DE RÄ JULIO–4 DE RÄ AGOSTO
SALMO 69
Rä jähñä 13 ꞌne rä sadi | Mää te ma gä pädihu̱ (1 min.)
1. Rä Salmo 69 udi te ma xä thogi ꞌne xä me̱fi rä Hesu
(10 min.)
Rä Hesu bi tꞌu̱tsa nsinke nꞌa rä raso (Sl 69:4; Jn 15:24, 25; w11-S 15/8 rä nxii 11, rä parr. 17).
Rä Hesu xa mi mädi ꞌne mi pe̱ꞌspäbi ndunthi rä tꞌekꞌei rä ngu rä Zi Dada Jeoba (Sl 69:9; Jn 2: 13-17; w10-S 15/12 rä nxii 8, yä parr. 7, 8).
Rä Hesu bi ñhandui nꞌa rä däta dumu̱i ꞌne asta bri ofresebi nꞌa rä ithe xki nthäntsꞌi ko yä ju ndäpo (Sl 69:20, 21; Mt 27:34; Lu 22:44; Jn 19:34; g95-S 22/10 rä nxii 31, rä parr. 4; it-2-S rä nxii 669).
PA GI NTSO̱ꞌMI: ¿Por hanja rä Zi Dada Jeoba bi desidi dä tꞌofo nuꞌu̱ yä mꞌe̱tꞌo noya de rä Mesías ha rä Ndäxjua Testamento?
2. Hyoni hanja dä maxꞌäꞌi rä Noya Äjuä
(10 min.)
Sl 69:30, 31. ¿Hanja faxkägihu̱ nuya yä testo pa gä xatuäbihu̱ mänꞌa xä ñho rä Zi Dada Jeoba? (w99-S 15/1 rä nxii 18, rä parr. 11).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä Mäkä Tꞌofo
(4 min.) Sl 69:1-25 (th rä lección 2).
4. ꞌÑudi rä pasensia: Näꞌä bi me̱fi rä Hesu
(7 min.) Yꞌapäbi rä mfatsꞌi nuꞌu̱ xä ntini. Yꞌe̱ntsꞌihu̱ rä BIDEO, ꞌnepu̱ ñähu̱ de rä foyeto lmd rä lección 8 yä punto 1, 2.
5. ꞌÑudi rä pasensia: De̱mbäbi rä ejemplo rä Hesu
(8 min.) Yꞌapäbi rä mfatsꞌi nuꞌu̱ xä ntini. Ñähu̱ de rä foyeto lmd rä lección 8 yä punto 3-5, ꞌne habu̱ enä «Hyandi ꞌnehe».
Rä jähñä 134
6. Habu̱ di japä mꞌe̱di dä mpe̱fi rä mhuntsꞌi
(5 min.)
7. Näꞌä dä za gi pe̱fi pa ri familia dä disfruta de rä mhuntsꞌi de gä familia
(10 min.) Yꞌapäbi rä mfatsꞌi nuꞌu̱ xä ntini.
Ha rä je̱ya 2009, rä hnini Äjuä bi desidi dä ja rꞌa yä mpadi ha yä mhuntsꞌi de entre semänä. Nubye̱ ma xtä pe̱ꞌtsihu̱ mähye̱gi rä Ntꞌudi de rä Mäkä Tꞌofo ha rä Mhuntsꞌi, Rä Ngunsadi pa toꞌo udi rä Noya Äjuä ꞌne Rä Mhuntsꞌi pa Hanja gä Pe̱phu̱ Äjuä. Nunä mpadi bi umbäbi yä familia rä oportunida de dä desidise̱ te mä pa, te mä ora ꞌne te mä imformäsio ma xä nxadi ha yä mhuntsꞌi de gä familia. Ndunthi yä familia xa bi johya po ränge nunä mpadi. Rꞌa yä ku enä ge nubye̱ mänꞌa ꞌmu̱i getbu̱ de rä Zi Dada Jeoba ꞌne de yä familia (Dt 6:6, 7).
Mu̱ nuꞌi grä ñäxu de ri familia, nunä imformäsio ma dä maxꞌäꞌi pa gi fatsꞌi ri familia dä disfruta de rä mhuntsꞌi de gä familia.
Jahu̱ tatꞌä semänä. Mu̱ dä za, dä hogi gi desidihu̱ te mä pa ꞌne te mä ora mä gi pe̱ꞌtsihu̱ ri mhuntsꞌihu̱. Pe mu̱ hindä za näꞌä paꞌä, desidihu̱ dende änte te mä nꞌa rä pa ma gi pe̱ꞌtsihu̱.
Ñhokihu̱ dende änte ko näꞌä imformäsio ma gi nxadihu̱. Yꞌambäbi ri ꞌme̱hñä o rꞌabu̱ asta ri bätsihu̱ te mä imformäsio dä ho dä nxadi. Hindi ja ꞌme̱di gi dedikabihu̱ ndunthi de ri tiempohu̱ pa gi ñhokihu̱. Pa geꞌä, dä hogi gi jamäsuhu̱ ndaꞌu̱ nuꞌu̱ yä tema o nuꞌu̱ yä imformäsio mänꞌa di ho dä nxadi ri familiahu̱.
Jamäsu näꞌä di japäbi mꞌe̱di ri familia. Yä je̱ya, yä mfeni ꞌne näꞌä di japäbi ꞌme̱di ri bätsihu̱ yꞌo ri mpadi. Po rängeꞌä, hyandi te mä imformäsio mänꞌa ma dä matsꞌi kada nꞌa de geꞌu̱ pa dä ze̱di yä ntsitsꞌi ko rä Zi Dada Jeoba.
Debe dä nja rä mhäte ꞌne rä johya. Mu̱ ja rä hogä tiempo, asta dä za gi po̱nihu̱ ha mä nꞌa rä luga pa gi nxadihu̱, ngu ha ri patiohu̱ o ha mä nꞌa rä luga. Mu̱ gi handi ge toꞌo ya bi zabi o bi mfada, tsayahu̱ nꞌa zi tu̱i. Mäjuäni ge ha ri mhuntsꞌihu̱ de gä familia ma gi nxadihu̱ nuꞌu̱ yä tema di japäbiꞌu̱ mꞌe̱di, pe ogi usa nunä tiempo pa gi tsu̱iꞌu̱ o gi korrejiꞌu̱.
Nxadihu̱ rꞌa nꞌañꞌo yä imformäsio. Por ejemplo, dä za gi ñhokihu̱ ko nꞌa rä parte de rä mhuntsꞌi, gi hyandihu̱ ꞌne gi ñähu̱ de nꞌa rä bideo de jw.org o gi nsayahu̱ ko nꞌa rä presentasion pa rä tꞌungä ntꞌo̱de. Mäjuäni ge rä mhuntsꞌi de gä familia nꞌa rä oportunida pa gi nxadihu̱ mähye̱gi yä tema de rä Mäkä Tꞌofo. Pe ꞌnehe mu̱ gi nehu̱, dä za gi ꞌuekehu̱ rä tiempo pa kadakien dä nxadise̱ nꞌa rä imformäsio.
Yꞌambäbi nuꞌu̱ xä ntini:
¿Te dä za gi pe̱fi pa gi aplika nuya yä tsꞌofo ha ri mhuntsꞌi de gä familia?
8. Ntꞌudi de rä Mäkä Tꞌofo ha rä mhuntsꞌi
(30 min.) bt rä ntheke 10, yä parrafo 13-21.