7-13 DE RÄ OKTUBRE
SALMOS 92-95
Rä jähñä 84 ꞌne rä sadi | Mää te ma gä pädihu̱ (1 min.)
1. ¡Gä pe̱päbihu̱ Jeoba geꞌä mänꞌa xä ñho!
(10 min.)
Ho̱nse̱ Jeoba ri ꞌñepäbi gä xo̱kämbenihu̱ (Sl 92:1, 4; w18.04-S rä nxii 26, rä parr. 5).
Jeoba umbäbi rä mfädi yä ꞌme̱go pa dä huahni yä hogä desision ꞌne dä mabi xä ñho (Sl 92:5; w18.11-S rä nxii 20, rä parr. 8).
Jeoba xa di mädi nuꞌu̱ yä ꞌme̱go ya yä zi däta jäꞌi (Sl 92:12-15; w20.01-S rä nxii 19, rä parr. 18).
ÑꞌANISE̱: «¿Te hu̱gägi gä umbäbi mä bida rä Zi Dada Jeoba ꞌne gä nxixtehe?».
2. Hyoni hanja dä maxꞌäꞌi rä Noya Äjuä
(10 min.)
Sl 92:5. ¿Hängu rä mfädi pe̱ꞌtsi rä Zi Dada Jeoba? (cl-S rä nxii 176, rä parr. 18).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä Mäkä Tꞌofo
(4 min.) Sl 94:1-23 (th rä lección 5).
4. Fu̱di gi ñäui yä jäꞌi
(4 min.) PREDIKA HABU̱ GATꞌHO GI YꞌO. Mientra gi ñäui näꞌä jäꞌi, hyoni hanja xipäbi ge nuꞌi gi uni yä curso de rä Mäkä Tꞌofo (lmd rä lección 5 rä punto 3).
5. Tso̱ni mänꞌaki yä jäꞌi
(3 min.) PREDIKA HABU̱ GATꞌHO GI YꞌO. Näꞌä jäꞌi ya xki mbitabi dä hñäni nꞌa rä curso de rä Mäkä Tꞌofo pe himbi ne. Nubye̱ ofresebi mänꞌaki nꞌa rä curso (lmd rä lección 8 rä punto 4).
6. Fatsꞌi yä jäꞌi dä me̱päbi Äjuä
(5 min.) Mplatikaui nꞌa rä jäꞌi näꞌä gi uti de rä Mäkä Tꞌofo pe hingi ja yä mpadi ha rä mꞌu̱i (lmd rä lección 12 rä punto 5).
Rä jähñä 5
7. Yä bäsjäꞌi ꞌnehe thogi yä dumu̱i
(15 min.) Yꞌapäbi rä mfatsꞌi nuꞌu̱ xä ntini.
Asta yä ꞌme̱go Jeoba thogi po yä dumu̱i. Por ejemplo, David bi ñhandui yä dumu̱i ndunthi yä mꞌiki durante rä bida, ja ngu thogi ndunthi mä zi kuhu̱ mäpaya (Sl 13:2; 139:23). Asta yä bäsjäꞌi thogi ꞌnehe po nuya yä dumu̱i. Rꞌabu̱, po ränge nuꞌu̱ yä dumu̱i thogi di japäbi xä ñhei dä disfruta de rä skuela o dä ntini ha yä mhuntsꞌi. Rꞌabu̱ dä za dä senti xa ndunthi rä ntsu o asta dä za dä mbeni dä hñäkise̱ yä bida.
Bäsjäꞌi, mu̱ nꞌa rä mꞌiki gi senti xa ndunthi rä dumu̱i, hyombäbi rä mfatsꞌi ri dada, ri nänä o nꞌa rä ku näꞌä gi pe̱ꞌspäbi rä komfiansa. Pe ogi pumfri gi hyombäbi ꞌnehe rä mfatsꞌi rä Zi Dada Jeoba (Flp 4:6). Näꞌä nzäntho mꞌu̱pu̱ pa dä yꞌo̱xꞌäꞌi ꞌne turämu̱i po geꞌi (Sl 94:17-19; Is 41:10). Hyandi te dä za gi pädi de rä ejemplo Steing.
Yꞌe̱ntsꞌihu̱ rä BIDEO Rä Zi Dada Jeoba nunka xä hye̱gäse̱. Mꞌe̱fa yꞌambäbi nuꞌu̱ xä ntini:
• ¿Te mä testo de rä Mäkä Tꞌofo bi matsꞌi Steing, ꞌne por hanja?
• ¿Te bi me̱fi rä Zi Dada Jeoba po geꞌä?
Dadahu̱, nuꞌähu̱ dä za gi fatsꞌi ri zi bätsihu̱ dä däpäbi näꞌä rä dumu̱i senti. Pa geꞌä mähyoni gi ꞌuekehu̱ rä tiempo ꞌne ko rä pasensia gi yꞌo̱dehu̱ te tupäbi yä mu̱i. Bembäbihu̱ ge xa gi mädihu̱ ꞌne fatsꞌihu̱ pa dä gamfri ge Jeoba ꞌnehe xa di mädi ꞌne turämu̱i po geꞌu̱ (Tit 2:4; Snt 1:19). Hyombäbihu̱ rä mfatsꞌi Jeoba ꞌne ogi pumfrihu̱ ge Jeoba dä za dä nupꞌä ri mfenihu̱ ꞌne dä rꞌaꞌähu̱ rä tsꞌe̱di pa gi sigi gi fatsꞌi ri zi bätsihu̱.
Xi ha rä mhuntsꞌi, ¿mꞌu̱pu̱ nꞌa rä ku näꞌä thogi po yä dumu̱i? Zäi ge hää, pe hinte mää. O zäi ge asta gi konose nꞌa rä ku näꞌä thogi po yä dumu̱i, pe di jäꞌi xä ñhei gi ntiende näꞌä senti. ¿Te dä za gi pe̱fi? Hyoni hanja gi japi dä senti ge xa mäjuäni gi mädi ꞌne gi turimu̱i po geꞌä (Pr 12:25; Heb 10:24).
8. Ntꞌudi de rä Mäkä Tꞌofo ha rä mhuntsꞌi
(30 min.) bt rä ntheke 14 yä parrafo 1-6, ꞌne rä rekuadro de rä nxii 112.