23-29 DE RÄ DISIEMBRE
SALMO 119:121-176
Rä jähñä 31 ꞌne rä sadi | Mää te ma gä pädihu̱ (1 min.)
1. Näꞌä dä za gä pe̱fi pa hingä xa gä tumämu̱i
(10 min.)
Mädi yä mhända rä Zi Dada Jeoba (Sl 119:127; w18.06-S rä nxii 17, yä parr. 5, 6).
U̱tsa ꞌne ꞌuege de nuꞌu̱ yä tꞌo̱tꞌe xä ntsꞌo (Sl 119:128; w93-S 15/4 rä nxii 17, rä parr. 12).
O̱te rä Zi Dada Jeoba ꞌne ogi de̱mbäbi yä uso nuꞌu̱ hingi ja yä mfädi (Sl 119:130, 133; Pr 22:3).
ÑꞌANISE̱: «¿Te mähyoni gä pe̱fi pa mänꞌa gä mädi yä mhända rä Zi Dada Jeoba ꞌne gä u̱tsa nuꞌu̱ yä tꞌo̱tꞌe xä ntsꞌo?».
2. Hyoni hanja dä maxꞌäꞌi rä Noya Äjuä
(10 min.)
Sl 119:160. Segun nunä rä testo, ¿de te dä za gä ꞌmu̱ihu̱ seguro? (w23.01-S rä nxii 2, rä parr. 2).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä he̱ꞌmi
(4 min.) lff rä lección 08, rä mu̱di parrafo ꞌne yä punto 1-3 (th rä lección 2).
4. Fu̱di gi ñäui yä jäꞌi
(3 min.) PREDIKA HA YÄ NGUU. (lmd rä lección 1 rä punto 5).
5. Tso̱ni mänꞌaki yä jäꞌi
(4 min.) PREDIKA HA YÄ NGUU. ꞌÑuti näꞌä jäꞌi hanja dä hyoni ha jw.org nꞌa rä imformäsio näꞌä go dä hoꞌä (lmd rä lección 8 rä punto 3).
6. Fatsꞌi yä jäꞌi dä me̱päbi Äjuä
(5 min.) Mplatika ko nꞌa rä jäꞌi näꞌä gi umbäbi rä curso de rä Mäkä Tꞌofo ꞌne kasi hingi ntini ha yä mhuntsꞌi (lmd rä lección 12 rä punto 4).
Rä jähñä 121
7. Ogi hopi ge rä bojä dä jaꞌi xa gi turimu̱i
(15 min.) Yꞌapäbi rä mfatsꞌi nuꞌu̱ xä ntini.
Mäpaya, ndunthi yä jäꞌi di ho rä bojä. Koꞌmu̱ ho̱nse̱ geꞌä odä ha yä mfeni, «xä hyonise̱ ndunthi yä u̱gi» (1Ti 6:9, 10). Hyandi rꞌa de nuꞌu̱ yä u̱gi dä za gä pe̱ꞌtsihu̱ mu̱ xa di mädihu̱ rä bojä ꞌne di hopäbihu̱ dä kontrola mä mꞌu̱ihu̱.
Ma dä jakhu̱ xä ñhei gä pe̱ꞌtsihu̱ nꞌa rä hogä ntsitsꞌi ko rä Zi Dada Jeoba (Mt 6:24).
Nunka ma gä komformähu̱ ko näꞌä ya di pe̱ꞌtsihu̱ (Ec 5:10).
Ma dä jakägihu̱ xä ñhei gä ꞌuegehu̱ de yä tentasio, de yä nthate, de yä mfe ꞌne asta dä za gä traisionähu̱ märꞌaa (Pr 28:20). Mu̱ gä pe̱fihu̱ rꞌa de nuya yä tsꞌo tꞌo̱tꞌe, ma gä tsꞌoni mä konsiensiahu̱ ꞌne näꞌä rä hogä ntsitsꞌi di pe̱ꞌtsihu̱ ko rä Zi Dada Jeoba ꞌne ko mä kuhu̱.
Hñeti Hebreos 13:5 ꞌnepu̱ yꞌambäbi nuꞌu̱ xä ntini:
Pa hingä sufrihu̱ yä u̱gi, ¿hanja di debe gä handihu̱ rä bojä, ꞌne por hanja?
Mäske hindi mädihu̱ rä bojä, dä za gä sufrihu̱ yä u̱gi mu̱ hindi kontrolahu̱ näꞌä di gastahu̱, näꞌä di orrahu̱ ꞌne nuꞌu̱ yä thai.
Yꞌe̱ntsꞌihu̱ rä bideo de LA PIZARRA ANIMADA Pädi gi usa xä ñho ri bojä. Mꞌe̱fa, yꞌambäbi nuꞌu̱ xä ntini:
¿Por hanja mähyoni gä benihu̱ hanja ma gä gasta mä bojähu̱ ꞌne hanja dä za gä jahu̱?
¿Por hanja mähyoni gä orrahu̱ mä bojähu̱?
¿Por hanja mänꞌa dä hogi hingä pe̱ꞌtsihu̱ yä thai?
8. Ntꞌudi de rä Mäkä Tꞌofo ha rä mhuntsꞌi
(30 min.) bt rä ntheke 17, yä parrafo 8-12 ꞌne rä rekuadro de rä nxii 137.