20-26 DE RÄ ENERO
SALMOS 138, 139
Rä jähñä 93 ꞌne rä sadi | Mää te ma gä pädihu̱ (1 min.)
1. Ogi hopi dä däpꞌäꞌi yä nerbio
(10 min.)
Di ne gä nsundahu̱ rä Zi Dada Jeoba ko ngatꞌho mä korasohu̱ (Sl 138:1).
Ora gi ꞌmu̱i nerbioso ngeꞌä ma gi mfaxte ha rä mhuntsꞌi, yꞌapäbi rä mfatsꞌi rä Zi Dada Jeoba (Sl 138:3).
Gä sentihu̱ yä nerbio udi ge dyä umildehu̱ (Sl 138:6; w19.01-S rä nxii 10, rä parr. 10).
NÄꞌÄ DÄ ZA GI PE̱FI: Tsapi gi uni yä zi tꞌu̱kä komentario. Geꞌä ma dä maxꞌäꞌi gi täpäbi yä nerbio (w23.04 rä nxii 21, rä parr. 7).
2. Hyoni hanja dä maxꞌäꞌi rä Noya Äjuä
(10 min.)
Sl 139:21, 22. ¿Nꞌa rä rekisito pa yä kristianu dä pumbäbi gatꞌho yä jäꞌi? (it-2-S rä nxii 635, rä parr. 7).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä he̱ꞌmi
4. Fu̱di gi ñäui yä jäꞌi
(3 min.) PREDIKA KO RÄ EXHIBIDOR. (lmd rä lección 2 rä punto 3).
5. Fatsꞌi yä jäꞌi dä me̱päbi Äjuä
(4 min.) PREDIKA KO RÄ EXHIBIDOR. Yꞌambäbi näꞌä jäꞌi mu̱ dä ho dä hñäni nꞌa rä curso de rä Mäkä Tꞌofo ꞌne ꞌñuti tengu nuꞌu̱ yä curso (lmd rä lección 10, rä punto 3).
6. Discurso
(5 min.) Usa rä ijwyp-S rä artículo 105. Título: ¿Xiꞌmu̱ xa di ntsa? (th rä lección 16).
Rä jähñä 59
7. Mäske gi ntsa, nuꞌi dä za gi predika
(15 min.) Yꞌapäbi rä mfatsꞌi nuꞌu̱ xä ntini.
Xi nuꞌi, ¿gi ntsa? ¿Mänꞌa gi ho hinto dä hyantꞌäꞌi? ¿Asta di u̱gi ri mu̱i ora ma gi ñäui nꞌa rä jäꞌi? Rꞌabu̱ po näꞌä rä ntsa di sentihu̱ hingi he̱gägihu̱ gä jahu̱ näꞌä xtä mbenihu̱ gä pe̱fihu̱. Pe ndunthi nuꞌu̱ mi thogi njabu̱ xä däpäbi rä ntsa, ꞌne nubye̱ xa di johya de dä predikabi märꞌaa. ¿Te dä za gä pädihu̱ de yä ejemplo?
Yꞌe̱ntsꞌihu̱ rä BIDEO Dä pe̱päbi Jeoba mäske xa ndi ntsa. Mꞌe̱fa, yꞌambäbi nuꞌu̱ xä ntini:
¿Te xä logra Laura ngeꞌä bi jamäsu näꞌä rä tsꞌofo de xä me̱fi gatꞌho näꞌä xä za po rä Zi Dada Jeoba?
Rä Mäkä Tꞌofo udi ge Moisés, Jeremías ꞌne Timoteo ꞌnehe bi yꞌo̱tꞌe ntsꞌe̱di po bi däpäbi rä ntsa (Éx 3:11; 4:10; Jer 1:6-8; 1Ti 4:12). Pe koꞌmu̱ rä Zi Dada Jeoba mi ꞌmu̱i kongeꞌu̱, nuꞌu̱ bi za bi me̱fi asta nuꞌu̱ yä tꞌo̱tꞌe xa xmä ñhei (Éx 4:12; Jer 20:11; 2Ti 1:6-8).
Hñeti Isaías 43:1, 2. Mꞌe̱fa, yꞌambäbi nuꞌu̱ xä ntini:
¿Te di prometebi rä Zi Dada Jeoba nuꞌu̱ toꞌo pe̱päbi?
¿Hanja fatsꞌi Jeoba nuꞌu̱ di ntsa pa dä mabi xä ñho ha rä predicación?
Yꞌe̱ntsꞌihu̱ rä BIDEO Nꞌa xe̱ni de rä bideo ¿Por hanja rä xixtehe ma dä maxꞌäꞌi pa mänꞌa xa gi johya? Mꞌe̱fa, yꞌambäbi nuꞌu̱ xä ntini:
¿Hanja xä matsꞌi rä Zi Dada Jeoba rä zi nju Jackson ha rä predicación?
¿Hanja rä predicación dä za dä matsꞌi nuꞌu̱ di ntsa?
8. Ntꞌudi de rä Mäkä Tꞌofo ha rä mhuntsꞌi
(30 min.) bt rä ntheke 18 yä parrafo 16-24.