7-13 DE RÄ JULIO
PROVERBIOS 21
Rä jähñä 98 ꞌne rä sadi | Mää te ma gä pädihu̱ (1 min.)
1. Yä konseho nuꞌu̱ ma dä maxꞌäꞌi gi pe̱ꞌtsi rä johya ha ri medinthäti
(10 min.)
Ogi dämä nthäti (Pr 21:5; w03-S 15/10 rä nxii 4, rä parr. 5).
ꞌÑudihu̱ rä umilda ora hingi ꞌmu̱ihu̱ de acuerdo (Pr 21:2, 4; g-S 7/08 rä nxii 7, rä parr. 2).
ꞌÑudihu̱ rä pasensia ꞌne rä ñhojäꞌi nꞌa ngu mänꞌaa (Pr 21:19; w06-S 15/9 rä nxii 28, rä parr. 13).
2. Hyoni hanja dä maxꞌäꞌi rä Noya Äjuä
(10 min.)
Pr 21:31. ¿Hanja nunä testo faxkägihu̱ gä ntiendehu̱ te di signifika näꞌä rä profecía hutsꞌi ha Apocalipsis 6:2? (w05-S 15/1 rä nxii 17, rä parr. 9).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä he̱ꞌmi
4. Fu̱di gi ñäui yä jäꞌi
(3 min.) PREDIKA HA YÄ NGUU. (lmd rä lección 3 rä punto 3).
5. Tso̱ni mänꞌaki yä jäꞌi
(4 min.) PREDIKA HABU̱ GATꞌHO GI YꞌO. (lmd rä lección 7 rä punto 3).
6. Mää näꞌä gi kamfri
(5 min.) ꞌÑudi hanja gi ja. Usa rä artículo ijwfq-S 54. Título: ¿Te di mbeni yä testigo rä Jeoba de rä diborsio? (lmd rä lección 4 rä punto 3).
Rä jähñä 132
7. ꞌÑudi rä tꞌekꞌei ha ri medinthäti
(15 min.) Yꞌapäbi rä mfatsꞌi nuꞌu̱ xä ntini.
Ora gä nthäti nuꞌi gä promete ante rä Zi Dada Jeoba ge ma xkä mädi ꞌne xkä ꞌñudi rä tꞌekꞌei po ri däme o ri ꞌme̱hñä. Beni ge mu̱ hingi kumpli ko näꞌä gä promete, dä za gi tsꞌoni ri ntsitsꞌi ko rä Zi Dada Jeoba (Pr 20:25; 1Pe 3:7).
Yꞌe̱ntsꞌihu̱ rä BIDEO Pa gi pe̱ꞌtsi rä johya ha ri medinthäti: ꞌÑudi rä tꞌekꞌei. Mꞌe̱fa, yꞌambäbi nuꞌu̱ xä ntini:
¿Por hanja xa mähyoni gi ꞌñudi rä tꞌekꞌei ha ri medinthäti?
¿Te mä mpadi dä za gi yꞌo̱tꞌe pa mänꞌa gi ꞌñudi rä tꞌekꞌei?
¿Te mä konseho de rä Biblia dä za dä maxꞌäꞌi?
¿De te mä modo dä za gi ꞌñudi rä tꞌekꞌei po ri däme o ri ꞌme̱hñä?
¿Te debe gi hyandi de ri däme o rä ꞌme̱hñä, ꞌne po hanja?
8. Ntꞌudi de rä Mäkä Tꞌofo ha rä mhuntsꞌi
(30 min.) bt rä ntheke 28 yä parrafo 16-22.