15-21 DE RÄ SEPTIEMBRE
PROVERBIOS 31
Rä jähñä 135 ꞌne rä sadi | Mää te ma gä pädihu̱ (1 min.)
1. Dä za gä pädihu̱ ndunthi de nuꞌu̱ yä tsꞌofo uni nꞌa rä nänä
(10 min.)
ꞌÑuti ri bätsihu̱ dä hyandi rä sexo ꞌne rä medinthäti ja ngu di handi rä Zi Dada Jeoba (Pr 31:3, 10; w11-S 1/2 rä nxii 19, yä parr. 7, 8).
ꞌÑuti ri bätsihu̱ dä hyandi rä ithe ja ngu di handi rä Zi Dada Jeoba (Pr 31:4-6; ijwhf-S rä artículo 4, yä parr. 11-13).
ꞌÑuti ri bätsihu̱ dä matsꞌi märꞌa yä jäꞌi ja ngu pe̱fi rä Zi Dada Jeoba (Pr 31:8, 9; g17.6-S rä nxii 9, rä parr. 5).
2. Hyoni hanja dä maxꞌäꞌi rä Noya Äjuä
(10 min.)
Pr 31:28. ¿Hanja dä za dä ꞌñudi nꞌa rä däme ge di balora rä ꞌme̱hñä? (w25.01 rä nxii 13, rä parr. 16).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä he̱ꞌmi
4. Fu̱di gi ñäui yä jäꞌi
(3 min.) PREDIKA HABU̱ GATꞌHO GI YꞌO. Fu̱di gi ñäui nꞌa rä jäꞌi mꞌe̱fa de bi ꞌñudi rä ñhojäꞌi ko näꞌä bi mää o näꞌä bi me̱fi (lmd rä lección 5 rä punto 3).
5. Fu̱di gi ñäui yä jäꞌi
(4 min.) PREDIKA HA YÄ NGUU. ꞌÑuti nꞌa de nuꞌu̱ yä ntꞌudi di tinihu̱ ha rä mfatsꞌi A «Xa di ho gä ñähu̱ de nuya yä ntꞌudi» de rä foyeto Mädi yä jäꞌi (lmd rä lección 1 rä punto 4).
6. Tso̱ni mänꞌaki yä jäꞌi
(5 min.) PREDIKA HA YÄ NGUU. Näꞌä rä jäꞌi bi hñäni rä revista La Atalaya número 1 de rä 2025, ꞌne nubye̱ ma gi mbitabi dä ntini ha rä mhuntsꞌi pa dä yꞌo̱de rä discurso especial (lmd rä lección 7 rä punto 4).
Rä jähñä 121
7. Fatsꞌi ri bätsihu̱ pa dä usa xä ñho rä celular, rä tablet, rä computadora ꞌne rä telebision
(8 min.) Yꞌapäbi rä mfatsꞌi nuꞌu̱ xä ntini.
¿Xkä hyandi hanja yä tꞌu̱kä bätsi xa pädi dä usa nꞌa rä tablet o nꞌa rä celular? Di handihu̱ ge hinxä ñhei pa geꞌu̱. Hingi ja mꞌe̱di toꞌo dä matsꞌi pa dä bädi dä usa nuꞌu̱ yä aparato, pe hää di japäbi mꞌe̱di rä mfatsꞌi pa dä bädi te xä ñho dä hyandi o te mä luga hindi debe dä yu̱tꞌi. Mu̱ nuꞌi grä dada, ¿hanja dä za gi fatsꞌi ri bätsi dä bädi dä usa xä ñho nuꞌu̱ yä aparato?
Yꞌe̱ntsꞌihu̱ rä BIDEO Usa xä ñho ri tiempo. Yꞌambäbi nuꞌu̱ xä ntini:
¿Por hanja xä ñho gi hñutsꞌi hängu tiempo ma gi usa rä telefono o rä tablet?
¿Pa te märꞌa yä me̱fi di jakägihu̱ mꞌe̱di rä tiempo?
Ora ma gi hñutsꞌi hängu tiempo debe dä usa rä telefono nuꞌu̱ ri bätsi dä hogi gi jamäsu nuꞌu̱ yä tsꞌofo uni rä Mäkä Tꞌofo, hingä näꞌä pe̱fi märꞌa yä dada (Gál. 6:5). Dä hogi gi ñꞌanise̱:
¿Xä ꞌñudi mä tꞌu̱ o mä tꞌixu ge dä za gä pe̱ꞌtsuäbi rä komfiansa pa gä hmipäbi mä telefono o pa gä tambäbi nꞌaa? (1Co 9:25).
¿Debe gä hopi ge nuꞌu̱ mä bätsi dä usa nꞌa rä celular o ra tablet ora ꞌmu̱pu̱se̱ ꞌne hinto handi? (Pr 18:1).
¿Te mä aplicación ꞌne te mä página de Internet tsa dä hyandi nuꞌu̱ mä bätsi ꞌne ndaꞌu̱ hinä? (Ef 5:3-5; Flp. 4:8, 9).
Mu̱ di ne ge nuꞌu̱ mä bätsi dä me̱fi nuꞌu̱ yä tꞌo̱tꞌe mänꞌa xa mähyoni ꞌne dä diberti, ¿hängu tiempo dä hogi gä hopi dä usa rä telefono, rä tablet, rä computadora o rä telebision? (Ec. 3:1).
8. Habu̱ di japä mꞌe̱di dä mpe̱fi rä mhuntsꞌi
(7 min.)
9. Ntꞌudi de rä Mäkä Tꞌofo ha rä mhuntsꞌi
(30 min.) lfb yä ntheke 18, 19.