8-14 DE RÄ DISIEMBRE
ISAÍAS 6-8
Rä jähñä 75 ꞌne rä sadi | Mää te ma gä pädihu̱ (1 min.)
1. «¡Xi di ꞌmakua! ¡Go dä pe̱nkägi!»
(10 min.)
Rä profeta Isaías nguntꞌä bi ñꞌofrese pa bi mämbäbi rä Noya Äjuä (Is 6:8; ip-1-S yä nxii 93, 94, yä parr. 13, 14).
Ma xä japäbi xä ñhei rä profeta Isaías xä kumpli ko näꞌä rä ꞌme̱fi xki umbäbi rä Zi Dada Jeoba (Is 6:9, 10; ip-1-S rä nxii 95, yä parr. 15, 16).
Ja ngu yä israelita himbi yꞌo̱de näꞌä mi xipäbi rä profeta Isaías, njabu̱ ꞌnehe yä judío himbi ne bi yꞌo̱de näꞌä bi mängä rä Hesu (Mt 13:13-15; ip-1-S rä nxii 99, rä parr. 23).
PA GI NTSO̱ꞌMI: «¿Te dä za gä pe̱fi pa gä de̱mbäbi rä kꞌoi rä profeta Isaías?».
2. Hyoni hanja dä maxꞌäꞌi rä Noya Äjuä
(10 min.)
Isa 7:3, 4. Mäske rä rey Acaz xa mrä tsꞌomꞌu̱i, ¿por hanja rä Zi Dada Jeoba bi ñäni de yä nkontra? (w06-S 1/12 rä nxii 9, rä parr. 3).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä he̱ꞌmi
4. Fu̱di gi ñäui yä jäꞌi
(3 min.) PREDIKA HA YÄ NGUU. Usa nꞌa de nuꞌu̱ yä ntꞌudi de rä Mäkä Tꞌofo ehe ha rä mfatsꞌi A de rä foyeto Mädi yä jäꞌi (lmd rä lección 4 rä punto 5).
5. Tso̱ni mänꞌaki yä jäꞌi
(4 min.) PREDIKA HA YÄ NGUU. Yꞌambäbi näꞌä zi jäꞌi mu̱ ne dä hñäni nꞌa rä ntꞌudi de rä Mäkä Tꞌofo (lmd rä lección 9 rä punto 3).
6. Tso̱ni mänꞌaki yä jäꞌi
(5 min.) PREDIKA HA YÄ NGUU. Xipäbi näꞌä zi jäꞌi tengu nuꞌu̱ yä ntꞌudi de rä Mäkä Tꞌofo di unihu̱ (lmd rä lección 9 rä punto 5).
Rä jähñä 83
7. Yä testigo rä Jeoba ungä ntꞌo̱de ha yä nguu
(15 min.) Yꞌapäbi rä mfatsꞌi nuꞌu̱ xä ntini.
Mi mꞌu̱kua rä Hesu ha rä Xiꞌmhai, mi umbäbi ntꞌo̱de yä zi jäꞌi ha yä nguu. Geꞌä bi me̱fi ꞌnehe nuꞌu̱ yä mu̱di kristianu. Mäpaya, nuju̱ ꞌnehe di umbäbihu̱ ntꞌo̱de yä zi jäꞌi ha yä nguu (Lu 10:5; Hch 5:42).
Po ränge rä COVID-19, ya himbi za dä umbäbihu̱ ntꞌo̱de yä zi jäꞌi ha yä nguu. Durante näꞌä tiempo, dä honihu̱ märꞌa yä forma de gä uñhu̱ ntꞌo̱de: po mädee de yä karta, rä telefono ꞌne ndi umbäbihu̱ ntꞌo̱de nuꞌu̱ yä zi jäꞌi ndi nthe̱uihu̱ habu̱ rä za. Mäske hixti nzäihu̱ gä uñhu̱ ntꞌo̱de de nuya yä forma, dä tinihu̱ ndunthi yä zi jäꞌi nuꞌu̱ bi dädi xä ñho. ¡Hää, hängu dä disfrutahu̱! Pe mäske njabu̱, yä testigo rä Jeoba di nehu̱ gä sigihu̱ gä umbäbihu̱ ntꞌo̱de yä zi jäꞌi ha yä nguu ja ngu bi me̱fi rä Hesu ꞌne nuꞌu̱ yä mu̱di kristianu. Xi nuꞌi, ¿gi o̱tꞌe ntsꞌe̱di po gi tso̱ni yä zi jäꞌi ha yä nguu?
Esplika por hanja rä tꞌungä ntꞌo̱de ngu po ngu faxte ndunthi.
Faxkägihu̱ pa gä umbäbihu̱ ntꞌo̱de gatꞌho yä zi jäꞌi.
Faxkägihu̱ pa gä udihu̱ mänꞌa xä ñho rä Noya Äjuä ꞌne pa gä udihu̱ yä hogä mꞌu̱i ngu rä balo ꞌne rä ñho jäꞌi.
Faxkägihu̱ pa gä tinihu̱ nuꞌu̱ yä zi jäꞌi ne dä bädi de rä Zi Dada Jeoba.
Yꞌe̱ntsꞌihu̱ rä BIDEO Mäske xä pa o xä tse̱ yä ku di sigi di ungä ntꞌo̱de. Mꞌe̱fa, yꞌambäbi nuꞌu̱ xä ntini:
¿Te dä za gä pädihu̱ de nuꞌu̱ mä zi kuhu̱ di ungä ntꞌo̱de ha yä Islas Feroe?
8. Ntꞌudi de rä Mäkä Tꞌofo ha rä mhuntsꞌi
(30 min.) lfb yä lección 42, 43.