22-28 DE RÄ DISIEMBRE
ISAÍAS 11-13
Rä jähñä 14 ꞌne rä sadi | Mää te ma gä pädihu̱ (1 min.)
1. ¿Te xki mää rä Mäkä Tꞌofo de rä Mesías?
(10 min.)
Ma xä ꞌñehe de rä familia Jesé po mädee de rä David (Is 11:1; ip-1-S rä nxii 159, yä parr. 4, 5).
Ma xä me̱ꞌtsi rä mäkä tsꞌe̱di Äjuä ꞌne nzäntho ma xä yꞌo̱te yä mhända Äjuä (Is 11:2, 3a; ip-1-S rä nxii 159, rä parr. 6; w23.06 rä nxii 15, rä parr. 5).
Ma xä juzga ko rä justisia ꞌne ma xä me̱ꞌtsuäbi rä nhuekäte yä zi jäꞌi (Is 11:3b-5; ip-1-S rä nxii 160, rä parr. 9; rä nxii 161, rä parr. 11).
PA GI NTSO̱ꞌMI: ¿Por hanja ho̱nse̱ rä Hesu go ri ꞌñepäbi dä mända yä mexiꞌmhai?
2. Hyoni hanja dä maxꞌäꞌi rä Noya Äjuä
(10 min.)
Isa 12:4. ¿Te di signifika gä maꞌtuäbihu̱ rä thuhu rä Zi Dada Jeoba? (w25.05 rä nxii 30, rä parr. 15).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä he̱ꞌmi
4. Fu̱di gi ñäui yä jäꞌi
(3 min.) PREDIKA HA YÄ NGUU. (lmd rä lección 2 rä punto 5).
5. Tso̱ni mänꞌaki yä jäꞌi
(4 min.) PREDIKA HABU̱ YꞌO YÄ JÄꞌI. Näꞌä zi jäꞌi ya xki yꞌo̱tꞌäꞌi nꞌa rä ntꞌani änte. Usa jw.org pa gi umbäbi rä mpengi (lmd rä lección 8 rä punto 3).
6. Fatsꞌi yä jäꞌi dä me̱päbi Äjuä
(5 min.) Fatsꞌi näꞌä zi jäꞌi gi umbäbi rä ntꞌudi de rä Mäkä Tꞌofo pa dä bädi hanja dä ungä ntꞌo̱de (lmd rä lección 11 rä punto 4).
Rä jähñä 57
7. Ogi dämä juzga märꞌaa
(15 min.) Yꞌapäbi rä mfatsꞌi nuꞌu̱ xä ntini.
Zäi ge gatꞌho xtä juzgahu̱ nꞌa rä zi jäꞌi po rä mꞌai, rä relijion, rä kolo o asta po rä ñhäki. Rꞌabu̱ di jahu̱ nsinke gä dahu̱ ngue̱nda. Pe rä Hesu —näꞌä mä xahnätehu̱—, bi zogägihu̱ nꞌa rä hogä kꞌoi. ¿Por hanja? Ngeꞌä näꞌä hindi juzga ho̱nse̱ po näꞌä o̱de o näꞌä handi (Is 11:3, 4). Rä Hesu pädi te xa mäjuäni o mbo yä koraso yä zi jäꞌi. Näꞌä xa mäjuäni di ntiendegihu̱ ꞌne pädi te di benihu̱. Mäske rꞌabu̱ di jakhu̱ xä ñhei gä ntiendebihu̱ märꞌaa, dä za gä o̱thu̱ ntsꞌe̱di po gä de̱mbäbihu̱ rä mꞌu̱i rä Hesu. Näꞌä bi ꞌñenä: «Ogi dämä juzgahu̱ ho̱nse̱ po näꞌä gi handihu̱. Pe mu̱ ma gi juzgahu̱, mꞌe̱tꞌo pädihu̱ mu̱ mäjuäni o hinä» (Jn 7:24).
Mu̱ di juzgahu̱ märꞌaa ho̱nse̱ po näꞌä di handihu̱, ma dä jakägihu̱ xä ñhei gä uñhu̱ ntꞌo̱de: ma gä ꞌme̱dihu̱ rä johya ꞌne ma dä jakhu̱ xä ñhei gä tinihu̱ nuꞌu̱ ne dä bädi de Äjuä. Xi nuꞌi, ¿di jaꞌi xä ñhei gi umbäbi ntꞌo̱de nuꞌu̱ yä zi jäꞌi di nꞌañꞌo yä ñhäki o yä nzäi? ¿Di jaꞌi xä ñhei gi umbäbi ntꞌo̱de nuꞌu̱ jabi yä bojä o yä zi hyoya? Ho̱nse̱ po hanja di nheki, ¿di humämu̱ihu̱ ge hingä ma dä ne dä yꞌo̱xkägihu̱? Rä Mäkä Tꞌofo enä ge rä Zi Dada Jeoba «ne ge gatꞌho yä jäꞌi dä ñäni yä te ꞌne dä bädi näꞌä xa mäjuäni» (1Ti 2:4).
Yꞌe̱ntsꞌihu̱ rä BIDEO Nä’ä xtä pädihu̱ de rä revista La Atalaya: Hingä juzgahu̱ ho̱nse̱ po näꞌä di handihu̱. Mꞌe̱fa, yꞌambäbi nuꞌu̱ xä ntini:
Ja ngu dä handihu̱ ha rä bideo, ¿po te mä raso dä za gä juzgahu̱ märꞌaa?
¿Te dä za dä thogi ha rä mhuntsꞌi mu̱ di juzgahu̱ märꞌaa?
¿Te bi matsꞌi nuꞌu̱ yä ku de rä bideo pa hindä juzga märꞌaa?
Xi nuꞌi, ¿hanja bi maxꞌäꞌi nunä rä artículo de rä revista La Atalaya?
8. Ntꞌudi de rä Mäkä Tꞌofo ha rä mhuntsꞌi
(30 min.) lfb yä lección 46, 47.