Probecha xä ñho yä kꞌoi

Ha nuꞌu̱ yä he̱ꞌmi rꞌakägihu̱ rä hnini Äjuä, di tinihu̱ ndunthi yä kꞌoi nuꞌu̱ faxkägihu̱ gä benihu̱ ꞌne gä ntiendehu̱ mänꞌa xä ñho näꞌä di nxadihu̱. Ma gä handihu̱ goho yä forma de gä probechahu̱ mänꞌa xä ñho nuꞌu̱ yä kꞌoi.

• Zäi änte de gi tsi nꞌa rä zi ñhuni, mꞌe̱tꞌo gi handi mu̱ di nheki xä ku̱hi. Njabu̱ ꞌnehe, änte de gä fu̱dihu̱ gä hetihu̱ nꞌa rä he̱ꞌmi, mꞌe̱tꞌo dä hogi gä handihu̱ nuꞌu̱ yä kꞌoi di ñꞌoui. Mu̱ gä jahu̱bu̱, geꞌä ma dä maxkägihu̱ gä hetihu̱ ko rä johya ꞌne mänꞌa ma gä disfrutahu̱. Po rängeꞌä, änte de gi hñeti nꞌa rä he̱ꞌmi dä hogi gi ñꞌanise̱: «¿Te di handi ha nuya yä kꞌoi?» (Amós 7:​7, 8).

• Mentä gi heti nꞌa rä he̱ꞌmi, dä hogi gi ñꞌani pa te bi thutsꞌi nuꞌu̱ yä kꞌoiꞌu̱. Mu̱ näꞌä rä kꞌoi di ñꞌoui rꞌa yä noya, dä hogi gi heti näꞌä mää. Hyandi hanja näꞌä rä kꞌoi faxꞌäꞌi pa mänꞌa gi ntiende näꞌä gi heti ꞌne te dä za gi pädi de geꞌä.

• Xki huadi gi hñeti näꞌä rä he̱ꞌmi, hyandi mänꞌaki nuꞌu̱ yä kꞌoi. Gi nuhmä ge geꞌä ma dä maxꞌäꞌi gi beni ꞌne gi ntiende mänꞌa xä ñho näꞌä gä nxadi. Pa ri uadi, kotꞌä ri da ꞌne trata gi beni nuꞌu̱ yä kꞌoi gä handi ꞌne hanja dä za gi pe̱fi ha ri mꞌu̱i näꞌä gä pädi.

• Pa gi hyandi hängu faxte nuꞌu̱ yä kꞌoi, hyandi mänꞌaki nuꞌu̱ yä kꞌoi di ñꞌoui nunä revista Yꞌo̱dehu̱ ꞌne trata gi beni näꞌä ya gä pädi.