Näꞌä dä za gi pe̱fi pa gi mepye̱ yä testo

Xi nuꞌi, ¿jabu̱ nꞌa rä testo näꞌä mänꞌa xa gi ho? Zäi ge jabu̱ ndunthi nuꞌu̱ di nupꞌäꞌi ri mfeni, nuꞌu̱ faxꞌäꞌi gi nto̱xkui yä tsꞌo mfeni o nuꞌu̱ gi ho gi hetuäbi nuꞌu̱ ri ntsitsꞌi (Sal. 119:​11, 111). Pe mäske ja ndunthi yä testo xa mähotho, rꞌabu̱ di jakägihu̱ xä ñhei gä benihu̱ o gä tinihu̱. Ma gä handihu̱ hñuu yä mfatsꞌi nuꞌu̱ dä za dä maxkägihu̱ gä mepye̱hu̱.

• Usa yä etiqueta ha JW Library^®. ¿Gi nzäi gi heti rä Mäkä Tꞌofo ha JW Library? Mu̱ hää, dä za gi usa yä etiqueta pa nguntꞌä gi tini nuꞌu̱ yä testo xä gä ho. ¿Xi hanja dä za gi ja? Xki tini nꞌa rä testo näꞌä xa gä ho, hoki nꞌa rä nota ꞌne habu̱ enä «añadir etiqueta» ofo «Xa di ho nunä testo».

• Ofo ꞌne to̱te näꞌä testo habu̱ hyaxtho dä za gi hyandi. Ndunthi yä ku ofo nuꞌu̱ yä testo mänꞌa xa di ho ha nꞌa rä zi he̱ꞌmi ꞌne to̱te ha nꞌa rä ñhee o ha rä refri. Märꞌaa ju̱kuäbi nꞌa rä kꞌoi ꞌne hutsꞌi ha rä pantalla de rä telefono o rä computadora.

• Hoki yä tarjeta pa gi mepye̱ yä testo. Nꞌa lado de nꞌa rä tarjeta ofo rä mfistꞌofo, rä capítulo ꞌne rä versículo ꞌne ha näꞌä mänꞌa lado de rä tarjeta ofo te mää näꞌä testo. Pa gi mepye̱ näꞌä testo, hyandi mꞌe̱tꞌo nꞌa lado de rä tarjeta ꞌne trata gi beni te mää ha näꞌä mä nꞌa rä lado.