¿Kamfri rä Hesu yä testigo rä Jeoba?

Hää. Rä Hesu bi ꞌñense̱: “Nuga go gekägi drä ꞌñuu, ꞌne drä mäjuäni ꞌne drä te. Hindä za toꞌo dä zo̱ni ko mä Dada mu̱ hingä po mäde de geki” (Juan 14:6). Di pädihe xä ñho ge rä Hesu bä ehe de ha mähetsꞌi pa nuua ha rä Xiꞌmhai pa bi uni rä te po gekhu̱ (Mateo 20:28). Rä Hesu bi du ꞌnepu̱ bi nangi de rä du pa njabu̱ toꞌo dä gamfribi dä za dä me̱ꞌtsi rä te pa nzäntho (Juan 3:16). ꞌNehe, di kamfrihe ge nubye̱ rä Hesu di mända ngu nꞌa rä Ndä ha näꞌä rä Tsꞌu̱tꞌhui Äjuä bi ja ha mähetsꞌi ꞌne mänꞌitꞌho ma dä hä nꞌa rä mꞌu̱i temäꞌentho ha rä Xiꞌmhai (Apocalipsis [Revelación] 11:15). Rä Hesu ꞌnehe bi mää ge rä Dada “mänꞌa hä rä tsꞌe̱di” o mädä ke geꞌä (Juan 14:28). Hänge nuje hindi xo̱kämbenihe rä Hesu ꞌne nixi hindi kamfrihe ge go geꞌä rä Zi Dada pe̱ꞌtsi gatꞌho rä tsꞌe̱di.