Rä ntheke 11
Rꞌa yä ntꞌudi ꞌne yä nzäi hindi ho Äjuä
¿Te mä ntꞌudi ꞌne te mä nzäi hindi ho Äjuä? (1)
¿Xä ñho gä kamfrihu̱ ge Äjuä nꞌa rä Trinida? (2)
¿Por hanja nuꞌu̱ pe̱päbi Äjuä hingi o̱tꞌe yä Nabida, rä Nsemänä Santa nixi yä kumpleañu? (3, 4)
¿Pite nuꞌu̱ yä jäꞌi xä du? (5)
¿Bi du rä Hesu ha nꞌa rä ponza? (6)
¿Por hanja xa mähyoni gä pe̱fihu̱ näꞌä di ho Äjuä? (7)
1. Hingä gatꞌho yä ntꞌudi ꞌne yä nzäi xä ntsꞌo. Pe Äjuä hingi ho nuꞌu̱ bi ehe de yä jamfri hingä mäjuäni o nuꞌu̱ hingi udi ngu näꞌä mängä rä Mäkä Tꞌofo (Mateo 15:6).
2. Trinida: ¿Rä Trinida Jeoba? ¿Mähye̱gi Jeoba, rä Hesu ꞌne rä espiritu santo? Hinä, Jeoba geꞌä rä Dada, näꞌä ho̱nse̱ꞌä «Äjuä mäjuäni» (Juan 17:3; Marcos 12:29). Rä Hesu geꞌä Rä mu̱di Tꞌu̱, ꞌne o̱te rä Zi Dada Jeoba (1 Corintios 11:3). Jeoba mänꞌa pe̱ꞌtsi rä tsꞌe̱di ke rä Hesu (Juan 14:28). Rä espiritu santo näꞌä hingä nꞌa rä zidada, rä espiritu santo näꞌä geꞌä rä tsꞌe̱di pe̱ꞌtsi Jeoba (Génesis 1:2; Hechos 2:18, NM).
3. Rä Nabida ꞌne Nsemänä Santa: Rä Hesu himbi mꞌu̱i näꞌä rä 25 de rä disiembre, näꞌä bi mꞌu̱i ngu rä 1 rä oktubre. Ha nunä rä zänä, yä mayꞌo mi po̱ni mi fadi yä de̱ti de gä xui (Lucas 2:8-12). Rä Hesu bi mändabi nuꞌu̱ yä de̱ni dä beni näꞌä rä pa bi du pe hingä näꞌä rä pa bi mꞌu̱i (Lucas 22:19, 20). Rä Nabida ꞌne nuꞌu̱ yä nzäi, bi ehe de nuꞌu̱ yä jamfri hingä mäjuäni de mäyaꞌmu̱. ꞌNehe rä Nsemänä Santa, rä Ndäbehe ꞌne Nde̱nthi, gehya rꞌa yä nzäi bi ehe de nuꞌu̱ yä jamfri hingä mäjuäni. Nuꞌu̱ yä mu̱di de̱ni rä Hesu, himi o̱tꞌe rä Nabida nixi rä Nsemänä Santa. ꞌNehe mäpaya nuꞌu̱ mäjuäni yä de̱ni rä Hesu hingi o̱tꞌe nuyu̱ yä dängo.
4. Yä kumpleañu: Rä Mäkä Tꞌofo pede se̱he̱ de yoho yä jäꞌi nuꞌu̱ bi yꞌo̱tꞌe yä kumpleañu, pe nuyu̱ hingä mi xo̱kämbeni Äjuä (Génesis 40:20-22; Marcos 6:21, 22, 24-27). Nuꞌu̱ yä mu̱di de̱ni rä Hesu hingä mi o̱tꞌe yä kumpleañu. Nunä rä nzäi bä ehe de nuꞌu̱ yä jamfri hingä mäjuäni de mäyaꞌmu̱. Hänge nuꞌu̱ xa mäjuäni yä de̱ni rä Hesu honi märꞌa yä pa de rä je̱ya pa te dä uni ꞌne di muntsꞌi pa dä johya.
5. Rä ntsu po nuꞌu̱ yä jäꞌi xä du: Nuꞌu̱ yä jäꞌi xä du, hingi tsa te dä yꞌo̱tꞌe ha nixi pite. Nuju̱ hingi tsa gä fatsꞌihu̱ (Salmo 146:4; Eclesiastés 9:5, 10). Rä alma tu; ha rä du ja gehni di mꞌe̱di gatꞌho rä te (Ezequiel 18:4). Pe rꞌabu̱ yä tsꞌo e̱nxe̱ nuꞌu̱ yä thuhu yä u̱xjua geꞌu̱ di mpu̱ngä jäꞌi pa dä tꞌenä ge go geꞌu̱ yä jäꞌi xä du. Hinxä ñho gä kamfrihu̱ ge pite nuꞌu̱ yä jäꞌi xä du, ha nixi xä ñho gä benihu̱ ko yä ñhuni o yä do̱ni (Isaías 8:19).
6. Rä ponza: Rä Hesu himbi du ha nꞌa rä ponza. Ha rä ñhäki griego, rä noya “cruz” ja ngu hutsꞌi ha ndunthi yä Mäkä Tꞌofo, ri bo̱ni nꞌatho rä zaa mänjuäntho, hänge di pädihu̱ ge hixki mpontꞌi näꞌä rä zaa habu̱ bi du rä Hesu. Näꞌä rä ponza bi ehe de nuꞌu̱ yä jamfri hingä mäjuäni de mäyaꞌmu̱. Mu̱ nuꞌu̱ yä mu̱di de̱ni rä Hesu himi pe̱ꞌtsi ha nixi mi xo̱kämbeni yä ponza, ¿gi kamfri ge xä ñho gä pe̱ꞌtsihu̱ o gä xo̱kämbenihu̱ yä ponza? (Deuteronomio 7:26; 1 Corintios 10:14.)
7. Di pädihu̱ ge xä ñhei gä ꞌuegehu̱ de nuꞌu̱ yä ntꞌudi ꞌne yä nzäi hinxä ñho. Mä parientehu̱ o mä ntsitsꞌihu̱ ma dä xikägihu̱ ge hingi ne dä hyandi gä paati mä jamfrihu̱. Pe mänꞌa xä ñho gä o̱tehu̱ rä Zi Dada Jeoba ke yä jäꞌi (Proverbios 29:25; Mateo 10:36, 37).
[Nꞌa kꞌoi ha rä nxii 22]
Äjuä hingä nꞌa rä Trinida
[Nꞌa kꞌoi ha rä nxii 23]
Rä Nabida ꞌne rä Nsemänä Santa bä ehe de nuꞌu̱ yä jamfri hingä mäjuäni de mäyaꞌmu̱
[Nꞌa kꞌoi ha rä nxii 23]
Hinte mä raso ja pa gä xo̱kämbenihu̱ o gä tsuhu̱ nuꞌu̱ yä jäꞌi xä du