Rä ntheke 14

Te mä ꞌme̱fi di ja yä testigo rä Jeoba

¿Hämꞌu̱ bi mu̱di yä testigo rä Jeoba? (1)

¿Te ngu nuꞌu̱ yä mhuntsꞌi di ja yä testigo rä Jeoba? (2) ¿Habu̱ tini rä bojä pa di ja nuꞌu̱ yä ꞌme̱fi? (3)

¿Toꞌo di gu̱tꞌä rä ꞌñuu ha yä mhuntsꞌi? (4)

¿Te mä dängä mhuntsꞌi di ja tatꞌä je̱ya? (5)

¿Te mä ꞌme̱fi thoki ha yä dängä ngu de gä ꞌme̱fi de yä testigo rä Jeoba? (6)

1. Yä testigo rä Jeoba bi mu̱di ha näꞌä rä je̱ya 1870. Ri mu̱di, nuꞌu̱ mi tꞌembi yä Estudiantes de la Biblia. Pe ha näꞌä rä je̱ya 1931 bi tꞌembi yä testigo rä Jeoba ja ngu hutsꞌi ha rä Mäkä Tꞌofo (Isaías 43:10). Rä mu̱di mi tsꞌu̱tho nunä rä hnini Äjuä pe rꞌamätsꞌu̱ bi xu hänge mäpaya thogi 230 nuꞌu̱ yä dängä hnini habu̱ di ungä ntꞌo̱de de rä Noya Äjuä nuꞌu̱ yä mꞌo de gä mꞌotho yä testigo rä Jeoba.

2. Ndunthi de nuꞌu̱ yä testigo rä Jeoba di ntini yo mꞌiki rä semänä. Nuꞌu̱ di mbitaꞌi gi ntini ha nuya yä mhuntsꞌi (Hebreos 10:24, 25). Gatꞌho näꞌä tꞌudi bi ehe de ha rä Mäkä Tꞌofo, fu̱di ꞌne huadi ko nꞌa rä sadi. ꞌNehe di tutuäbi yä «mäkä thuhu» rä Zi Dada Jeoba (Efesios 5:18, 19, NM). Hinte ma gi jutꞌi ꞌne hingi tꞌadi yä bojä (Mateo 10:8).

3. Ndunthi de nuꞌu̱ yä testigo rä Jeoba di ntini ha nꞌa rä Ngu de gä Mhuntsꞌi. Nuꞌu̱ xä hyokse̱ nuꞌu̱ yä Ngu de gä Mhuntsꞌi ha hinto juꞌti. Ha nuya yä Ngu de gä Mhuntsꞌi hingi ja yä kꞌoi, yä ponza ha nixi märꞌa yä tꞌo̱tꞌe. Yä testigo rä Jeoba uni rä bojä näꞌä go rä bolunta pa di ja yä ꞌme̱fi. Hänge ja nꞌa rä zi kaha ha yä Ngu de gä Mhuntsꞌi pa toꞌo dä ne dä yꞌe̱ntꞌä rä bojä (2 Corintios 9:7).

4. Ha gatꞌho yä mhuntsꞌi ꞌmu̱i rꞌa yä ku tꞌembi yä ansiano. Nuꞌu̱ go geꞌu̱ di gu̱tꞌä rä ꞌñuu pa udi de rä Mäkä Tꞌofo (1 Timoteo 3:1-7, NM; 5:17, NM). ꞌNehe ꞌmu̱i rꞌa yä ku tꞌembi yä sierbo ministerial, nuyu̱ faxä yä ansiano (1 Timoteo 3:8-10, 12, 13, NM). Pe ninꞌa de gehyu̱ hingä mädä de nuꞌu̱ märꞌa yä ku (2 Corintios 1:24). Nuyu̱ hingi tꞌumbi nꞌa rä thuhu de gä nsu (Mateo 23:8-10). Nuꞌu̱ hinxä thokuäbi yä hee pa dä neki rꞌanꞌañꞌo de nuꞌu̱ märꞌa yä ku. ꞌNehe hingi tꞌumbi yä bojä po näꞌä pe̱fi. Nuꞌu̱ yä ansiano, ko rä johya umbi rä mfatsꞌi de rä Mäkä Tꞌofo nuꞌu̱ yä ku de rä mhuntsꞌi. ꞌNehe hoꞌti ꞌne umbä yä tsꞌofo nuꞌmu̱ thogi yä xuñha (Santiago 5:14-16, NM; 1 Pedro 5:2, 3).

5. Tatꞌä je̱ya yä testigo rä Jeoba o̱tꞌe yä dängä mhuntsꞌi habu̱ di ntini ndunthi yä ku pa bi o̱de yä hogä ntꞌudi de rä Mäkä Tꞌofo. Ha nuꞌu̱ yä dängä mhuntsꞌi, di nku̱ꞌmdehe nuꞌu̱ yä jäꞌi ne dä de̱ni rä Hesu pa dä tꞌembi yä testigo rä Jeoba (Mateo 3:13-17, NM; 28:19, 20, NM).

6. Thogi 100 nuꞌu̱ yä dängä ngu de gä ꞌme̱fi pe̱ꞌtsi yä testigo rä Jeoba ha gatꞌho rä Xiꞌmhai, pe näꞌä xa rä dängi de gatꞌho bi ja ha Nueva York, ja gehni bi ꞌmu̱i rꞌa yä ansiano tꞌembi rä Cuerpo Gobernante. Nuyu̱ pe̱ꞌtsi ndunthi rä mfädi ꞌne di su gatꞌho nuꞌu̱ yä mhuntsꞌi ja ha gatꞌho rä Xiꞌmhai. Gatꞌho nuꞌu̱ bi mpe̱fini, hinte mä bojä tähä pe faste pa hoki ꞌne pe̱hni ha yä mhuntsꞌi nuꞌu̱ yä mfistꞌofo udi de rä Mäkä Tꞌofo. ꞌNehe dende gehni sipi yä mhuntsꞌi habu̱ mähyoni dä ungä ntꞌo̱de rä Noya Äjuä. ¿Por hanja hingi ma guä pädi näꞌä rä dängä ngu de gä ꞌme̱fi de yä testigo rä Jeoba ja ha ri dängä hnini?