¿Toꞌo nuꞌu̱ yä nkontra rä Zi Dada?

Rä Zithu go geꞌä rä dängä nkontra rä Zi Dada. Nunä nꞌa rä e̱nxe̱ himbi yꞌo̱te rä Zi Dada Jeoba. Rä Zithu di sigi di tuhni ko rä Zi Dada ꞌne o̱ꞌtue ndunthi yä xuñha rä mexiꞌmhai. Rä Zithu näꞌä rä tsꞌomꞌu̱i, rä kꞌuamba ꞌne rä hyote (Juan 8:44).

Märꞌa yä e̱nxe̱ bi mfaxhui rä Zithu pa himbi yꞌo̱te rä Zi Dada. Rä Mäkä Tꞌofo mää ge nuyu̱ yä thuhu yä u̱xjua. Yä u̱xjua ꞌne rä Zithu di nkontraui yä mexiꞌmhai. Di ho dä yꞌo̱ꞌtuäbi rä ntsꞌomꞌu̱i yä jäꞌi (Mateo 9:32, 33; 12:22). Rä Zi Dada Jeoba ma dä huati pa nzäntho näꞌä rä Zithu ꞌne nuꞌu̱ yä u̱xjua. Tsꞌu̱tho kohibi pa dä yꞌo̱ꞌtue rä ntsꞌomꞌu̱i yä jäꞌi (Apocalipsis 12:12).

Mu̱ di ne gä ntsitsꞌihu̱ ko rä Zi Dada, hingä pe̱fihu̱ näꞌä ne rä Zithu. Rä Zithu ꞌne yä u̱xjua xa di u̱tsa Jeoba. Nuyu̱ di nkontraui ha ꞌnehe ne dä hyandi gä nkontrauihu̱ rä Zi Dada. Hänge rängeꞌä, mähyoni gä benihu̱ toꞌo di ne gä de̱nihu̱: rä Zithu o rä Zi Dada Jeoba. Mu̱ di ne gä mꞌu̱ihu̱ pa nzäntho pe̱ꞌtsi gä de̱nihu̱ ꞌne gä pe̱fihu̱ rä paha rä Zi Dada. Rä Zithu pädi hanja dä hyatꞌi yä jäꞌi, pe̱ꞌtsi ndunthi yä xägu. Hänge njabu̱ xä hyatꞌi ndunthi yä jäꞌi (Apocalipsis 12:9).