Näꞌä ma gä pädihu̱ ha rä sección 13

Rä Hesu bä ehe ha rä Xiꞌmhai pa bi uni rä te ꞌne njabu̱ bi gutꞌi mä pekadohu̱. Asta näꞌä rä pa bi tho, näꞌä nzäntho bi hyombäbi yä ñho märꞌaa ꞌne bi pumbäbi nuꞌu̱ toꞌo mi o̱tpäbi yä ntsꞌomꞌu̱i. Jeoba bi ꞌñudi hängu mi mädi rä Hesu ora bi koꞌspäbi rä te. Mꞌe̱fa de bi nangi de rä du, rä Hesu bi ñꞌudi ko yä de̱ni, ꞌne bi ꞌñutuäbiꞌu̱ hanja dä ungä ntꞌo̱de yä hogä noya de rä Tsꞌu̱tꞌhui Äjuä. Mu̱ nuꞌi gi pe̱ꞌtsi yä bätsi, fatsꞌi pa dä hyandi ge xi nꞌa rä däta nsu gä mfaxtehu̱ ꞌnehe ha nunä mäkä ꞌme̱fi.