RÄ JÄHÑÄ 57
Ma gä predikabihu̱ gatꞌho yä jäꞌi
(1 Timoteo 2:4)
1. Ma gä te̱nihu̱ näꞌä rä mꞌu̱i,
xä ꞌñudi mä Zi Dadahu̱ Jeoba.
Di pädihu̱ ge hingi huahnitho
nuꞌu̱ yä jäꞌi ma dä me̱päbi.
(CORO)
Hindi mporta rä bojä
nixi te mä idioma ñä,
rä koraso geꞌä Jeoba handi.
Habu̱räza di yꞌohu̱
ma gä utihu̱ de Äjuä
gatꞌho nu yä zi jäꞌi gä nthe̱hu̱.
2. Hingä mähyoni habu̱ gi ꞌmu̱i
o te nguꞌä di nheki ri ꞌmai,
mänꞌa mähyoni nu ri koraso
ngetꞌho Jeoba, näꞌä geꞌä handi.
(CORO)
Hindi mporta rä bojä
nixi te mä idioma ñä,
rä koraso geꞌä Jeoba handi.
Habu̱räza di yꞌohu̱
ma gä utihu̱ de Äjuä
gatꞌho nu yä zi jäꞌi gä nthe̱hu̱.
3. Jeoba di mädi nu yä zi jäꞌi
ya xä zopu̱ nunä rä tsꞌo xiꞌmhai.
Hänge nuju̱ ma gä umbäbihu̱
rä hogä ꞌñehe ha rä hnini Äjuä.
(CORO)
Hindi mporta rä bojä
nixi te mä idioma ñä,
rä koraso geꞌä Jeoba handi.
Habu̱räza di yꞌohu̱
ma gä utihu̱ de Äjuä
gatꞌho nu yä zi jäꞌi gä nthe̱hu̱.
(Hyandi ꞌnehe Juan 12:32; Hech. 10:34; 1 Tim. 4:10; Tito 2:11.)