Ma gä tutuäbihu̱ nꞌa rä jähñä Jeoba

1. Tutuäbihu̱

nꞌa rä jähñä

mä hyokätehu̱ rä thuhu Jeoba.

Jamädihu̱

gatꞌho yä pa

po näꞌä xä rꞌakägihu̱ Jeoba.

¡Gä nsundabihu̱ rä thuhu Äjuä!

2. Tutuäbihu̱

Äjuä Jeoba,

Näꞌä o̱de mu̱ di xatuäbihu̱.

Ko rä tsꞌe̱di

dä maxkähu̱

ora gä thogihu̱ nꞌa rä dumu̱i.

¡Nzäntho Jeoba ma dä yꞌo̱xkägihu̱!

3. Tutuäbihu̱

mä Dadahu̱,

Näꞌä xa turämu̱i po gekhu̱.

Dä jäpäbi

yä mexiꞌmhai.

Gä tutuäbihu̱ nꞌa rä zi jähñä,

¡ko ngatꞌho mä korasohu̱ Jeoba!