RÄ JÄHÑÄ 92
Nunä rä nguu hätsꞌi ri thuhu
(1 Crónicas 29:16)
1. Jeoba, di ne gä rꞌaꞌäꞌihe
gatꞌho näꞌä xtä hokihe:
nunä zi nguu hätsꞌi ri thuhu
habu̱ ma gä nsundaꞌihe.
Gatꞌho näꞌä xtä rꞌaꞌäꞌihe
go dä hänihe de Geꞌi.
Di rꞌaꞌäꞌihe ko rä johya
mä mfädi ꞌne mä tsꞌe̱dihe.
(CORO)
Dä hokihe nunä rä nguu
pa dä fädi toꞌoꞌi.
Nunä rä luga pa Geꞌi,
hñäni mä Zi Dadaꞌi.
2. Nubye̱ ya ma dä za dä ehe
nuꞌu̱ yä zi mänxo jäꞌi.
Nuua ri ꞌme̱go ma dä muntsꞌi
ꞌne ma dä xo̱kämbeniꞌi.
Zi Dada di prometeꞌihe
gä suhe nunä mäkä nguu.
Mäske hingi ñä nunä luga,
pe ma dä ꞌñetsꞌaꞌi ri nsu.
(CORO)
Dä hokihe nunä rä nguu
pa dä fädi toꞌoꞌi.
Nunä rä luga pa Geꞌi,
hñäni mä Zi Dadaꞌi.
(Hyandi ꞌnehe 1 Rey. 8:18, 27; 1 Crón. 29:11-14; Hech. 20:24.)