RÄ JÄHÑÄ 139
¿Gi ñhandäse̱ ha rä rꞌayꞌo xiꞌmhai?
(Revelación 21:1-5)
1. ¿Gi ñhandäse̱? ¿Gi hanꞌgägi?
Ya di yꞌohu̱ ha rä rꞌayꞌo xiꞌmhai.
¿Te gi handi? ¿Xi te gi tsa?
¿Di nheki gatꞌho xa tsꞌu̱ngänza?
Ya hingi ja yä ntsꞌomꞌu̱i;
Äjuä xä hñutsꞌi nꞌa rä Tsꞌu̱tꞌhui.
Rä Kristo di mända rä rꞌayꞌo xiꞌmhai;
ko ndunthi rä johya
di tuhuhu̱ njaua:
(CORO)
«Zi Dada Jeoba di nsundaꞌihe;
gi ja mä rꞌayꞌo gatꞌho yä tꞌo̱tꞌe.
Pa nzäntho ma gä tutꞌäꞌihe yä jähñä
pa gä rꞌaꞌähe njamädi Äjuä Jeoba.»
2. Ya gi ꞌmu̱hni ꞌne di yꞌoni;
hyandi xä ñho nunä rꞌayꞌo mꞌu̱i.
Ya hingi ja ni yä tsꞌoni
ni yä dumu̱i nixi yä u̱gi.
Jeoba geꞌä ma dä gu̱tsꞌi
nuꞌu̱ xä du, nuꞌu̱ gi mädi.
Jeoba ma dä japi dä mꞌe̱di rä du
ꞌne nuꞌu̱ dä nangi
dä ntuhu kongekhu̱:
(CORO)
«Zi Dada Jeoba di nsundaꞌihe;
gi ja mä rꞌayꞌo gatꞌho yä tꞌo̱tꞌe.
Pa nzäntho ma gä tutꞌäꞌihe yä jähñä
pa gä rꞌaꞌähe njamädi Äjuä Jeoba.»
(Hyandi ꞌnehe Sal. 37:10, 11; Is. 65:17; Juan 5:28; 2 Ped. 3:13.)