RÄ LECCIÓN 8

Usa yä ejemplo

Mateo 13:34, 35, TNM

NÄꞌÄ MÄHYONI GI PE̱FI: Usa yä ejemplo pa njabu̱ nuꞌu̱ toꞌo o̱xꞌäꞌi dä ntiende mänꞌa xä ñho rä imformasion ꞌne pa dä beni nuꞌu̱ yä punto mänꞌa xa mähyoni.

HANJA DÄ ZA GI PE̱FI

Usa nuꞌu̱ yä ejemplo hingi hei. Ja ngu rä Hesu, usa yä ejemplo pa gi esplika nuꞌu̱ yä tꞌo̱tꞌe xä ñhei, pe ogi huꞌspäbi ndunthi yä detalle. Pa hingi japi dä komfundi nuꞌu̱ toꞌo o̱xꞌäꞌi, asegura ge näꞌä rä ejemplo ma gi usa dä nthe̱ ko näꞌä rä punto gi ne gi ꞌñudi.

Pa gi tini yä hogä ejemplo, hyandi te thogi habu̱ gi ꞌmu̱i, jamäsu näꞌä gi heti ha yä publicación, ꞌne yꞌo̱de hanja udi nuꞌu̱ yä ku mänꞌa pe̱ꞌtsi rä esperiensia. Yꞌofo nuꞌu̱ yä ejemplo gä ho pa dä za gi usa mꞌe̱fa.
Yꞌo̱tꞌe ngue̱nda toꞌo ma dä yꞌo̱xꞌäꞌi. Änte de gi usa nꞌa rä ejemplo, mbeni ngu ndaꞌu̱ dä za ntiende nuꞌu̱ toꞌo ma dä yꞌo̱xꞌäꞌi. Jamäsu ge nuꞌu̱ yä ejemplo ma gi usa hinto dä ofende nixi dä ꞌme̱tuä yä tsa.
Esplika näꞌä rä punto gi ne gi ꞌñudi. Usa yä ejemplo ho̱nse̱ pa gi ꞌñudi nuꞌu̱ yä punto xa mähyoni. Asegura ge nuꞌu̱ toꞌo ma dä yꞌo̱xꞌäꞌi dä beni näꞌä rä punto gi ne gi ꞌñuti, hingä ho̱nse̱ näꞌä rä ejemplo ma gi usa.