Imformäsio pa nuˈu̱ ma dä ntini ha rä däta mhuntsˈi

NUˈU̱ YÄ KOSA XÄ MˈE̱DI. Mu̱ gi tini nˈa rä kosa näˈä xä mˈe̱di, hñätsˈi pa ha nunä departamento. Mu̱ go te xkä ˈme̱di, gi ma guä ñˈani ha nunä departamento. ˈNehe ja di debe dä tsˈitsˈiua nuˈu̱ yä bätsi xä mˈe̱di. Nunä departamento hinxä thutsˈi pa dä su yä bätsi, hänge po rä mäte, suhu̱ ri bätsihu̱ ˈne hyanthu̱ ge di yˈobu̱ getbu̱ de geˈähu̱.

NXIXTEHE. Nuˈu̱ yä thuhni ja asta ndelante de rä plataforma, geˈu̱ xä tˈeke pa nuˈu̱ toˈo ma dä nxixtehe. Mu̱ ma gi nxixtehe, mähyoni ja gi hñuhni rä pa nsabdo de di xudi änte de dä mu̱di rä discurso de gä nxixtehe. ˈNehe, mähyoni gi hñätsˈi ri toalla ˈne gi huahni xä ñho nuˈu̱ ri dutu ma gi usa pa gi nxixtehe.

RÄ MU̱DI MFATSˈI. Nunä departamento ho̱nse̱ pa yä emergencia.

TOˈO NE DÄ MFAXTE. Mu̱ gi ne gi mfaxte de gä boluntario ha rä däta mhuntsˈi, gi ma ha nunä departamento pa dä siˈi habu̱ dä za gi mfaxte.

YÄ ACOMODADOR. Yä acomodador xä thutsˈi pa dä maxˈäˈi. Jamäsu nuˈu̱ yä instrucción dä rˈaˈi tanto ha rä estacionamiento, ha yä pasillo, ora gi ˈueke yä thuhni o pa märˈa yä asunto.

YÄ DONÄSIO. Pa gä pe̱ˈtsihu̱ nunä däta mhuntsˈi xä tˈo̱tˈe ndunthi yä gasto, xä nrenta yä thuhni, yä pantalla, rä sonido ˈne märˈa yä tˈo̱tˈe; pa njabu̱ gä disfrutahu̱ de nunä däta mhuntsˈi ˈne pa mänˈa dä ze̱di mä ntsitsˈihu̱ ko Äjuä. Nuˈu̱ yä donäsio gi unihu̱ faxte pa dä njutˈi nuya yä gasto ˈne di ñˈusa pa dä njutˈi näˈä rä mäkä ˈme̱fi di tˈo̱tˈe po gatˈho rä Xiˈmhai. Xä thutsˈi yä kaha de gä donäsio ha ndunthi yä luga de rä auditorio. Di jamädihe ndunthi po gatˈho nuˈu̱ yä donäsio gi unihu̱. Rä Cuerpo Gobernante di jamädiˈihu̱ po gatˈho näˈä rä mfatsˈi gi umbäbihu̱ rä Tsˈu̱tˈhui Äjuä.

YÄ THUHNI. Di mbitaˈihe gi ˈñudi rä tˈekˈei ˈne rä mhäte po märˈaa. Beni ge ho̱nse̱ dä za gi ˈueke yä thuhni pa ri familia, pa nuˈu̱ gi ñˈoui ha ri karro, pa nuˈu̱ gi ˈmu̱hui o pa nuˈu̱ gi uti de rä Biblia. Po rä mäte, ote gi e̱ntsˈi ha nuˈu̱ yä thuhni hingä ma gi usa.

RÄ MHUNTSˈI PA NUˈU̱ NE DÄ NTINI HA

Rä Ngunsadi pa yä Ebanjelisador de rä Tsˈu̱tˈhui Äjuä. Gatˈho nuˈu̱ yä prekursor pe̱ˈtsi entre 23 asta 65 yä je̱ya, ˈne ne dä ntini ha rä Ngunsadi pa yä Ebanjelisador de rä Tsˈu̱tˈhui Äjuä, ˈmu̱i imbitado pa dä ntini ha näˈä rä mhuntsˈi ma dä tˈo̱tˈe ndomingo de di ndee. Dende ha rä plataforma ma dä mhää te mä ora ˈne habu̱ ma nja nunä mhuntsˈi.