RÄ LECCIÓN 14
¿Te mähyoni gä pe̱fihu̱ pa njabu̱ gä adorahu̱ Äjuä ja ngu di hoꞌä?
Ja ngu ya dä pädihu̱, Äjuä hingi numäñho gatꞌho yä relijion. Pe nuju̱ hää dä za gä adorahu̱ rä Zi Dada Jeoba ja ngu adiꞌä. ¿Ndaꞌä näꞌä rä relijion udi hanja debe gä adorahu̱ Äjuä? (Santiago 1:27; nota, TNM). Ma gä handihu̱ te mängä rä Biblia.
1. ¿Toꞌo di debe dä xikägihu̱ hanja ri ꞌñehe gä xo̱kämbenihu̱ Äjuä?
Rä Biblia go geꞌä xikägihu̱ hanja di ho Äjuä gä adorahu̱. Rä Hesu bi ꞌñembäbi Äjuä: «Ri noya geꞌä mäjuäni» (Juan 17:17, TNM). Ndunthi yä relijion hingi ne dä jamäsu näꞌä udi rä Noya Äjuä. Nuꞌu̱ go mänꞌa di ho dä de̱ni nuꞌu̱ yä costumbre xä zoogi yä jäꞌi. Pe rä Zi Dada Jeoba hingi numäñho toꞌo di rechazabi yä mhända (hñeti Marcos 7:9, TNM). ¿Pe gi pädi? Näꞌä xa di johya ora handi ge di o̱tꞌehu̱ ntsꞌe̱di po gä pe̱fihu̱ näꞌä utkägihu̱ ha rä Biblia.
2. ¿Hanja di debe gä xo̱kämbenihu̱ rä Zi Dada Jeoba?
Rä Zi Dada Jeoba go geꞌä bi hyogägihu̱ ꞌne bi hyoki gatꞌho näꞌä ja. Hänge Ho̱nse̱ꞌä di merese gä nsundahu̱ ꞌne gä adorahu̱ (Apocalipsis 4:11). Hindi debe gä xo̱kämbenihu̱ yä idolo, yä imagen, yä santo o märꞌa yä kosa. Rä Zi Dada Jeoba ne ge ho̱nse̱ꞌä gä mädihu̱ ꞌne gä xo̱kämbenihu̱ (hñeti Isaías 42:8).
Debe xträ ntꞌaxi näꞌä rä forma de hanja di adorahu̱ rä Zi Dada Jeoba (Romanos 12:1, TNM). Hää, debe gä ꞌmu̱ihu̱ ja ngu di mändaꞌä. Por ejemplo, debe gä jamäsuhu̱ nuꞌu̱ yä konseho uni rä Biblia pa yä medinthäti. ꞌNehe, debe gä su mä ndoyꞌohu̱ ꞌne hingä tsꞌonihu̱ ko yä ithe, ko yä yꞌu̱i, ko yä droga o ko märꞌa yä bisio.a
3. ¿Por hanja mähyoni gä xo̱kämbenihu̱ rä Zi Dada Jeoba mähye̱gi ko nuꞌu̱ märꞌa yä ꞌme̱go?
Nuꞌu̱ yä mhuntsꞌi di tꞌo̱tꞌe tatꞌä semänä, rꞌakägihu̱ rä oportunida de gä nsundahu̱ rä Zi Dada Jeoba ha rä mhuntsꞌi (Salmo 111:1, 2). Ha yä mhuntsꞌi di nsundahu̱ rä Zi Dada Jeoba ora di tutuäbihu̱ yä jähñä (hñeti Salmo 104:33). Rä Zi Dada Jeoba di mändagihu̱ gä ntinihu̱ ha yä mhuntsꞌi, ngeꞌä di mäkägihu̱ ꞌne pädi ge geꞌä ma dä maxkägihu̱ gä ꞌmu̱ihu̱ nzäntho ko rä johya. Ora di ntinihu̱ ha yä mhuntsꞌi, di nupäbihu̱ yä mfeni märꞌaa ꞌne nuꞌu̱ nupkägihu̱ mä mfenihu̱ ꞌnehe.
HANJA DÄ ZA DÄ MAXꞌÄꞌI RÄ NOYA ÄJUÄ
Ma gä pädihu̱ por hanja rä Zi Dada Jeoba hindi ho dä hyandi gä adorahu̱ yä imagen, yä idolo o märꞌa yä kosa. ꞌNehe ma gä pädihu̱ hanja ri ꞌñehe gä nsundahu̱ ꞌne gä xo̱kämbenihu̱ Äjuä.
4. Äjuä hindi ho dä hyandi gä adorahu̱ yä imagen
¿Por hanja di pädihu̱ ge rä Zi Dada Jeoba di nkue̱ ora handi ge yä jäꞌi di xo̱kämbeni yä imagen? Yꞌe̱ntsꞌihu̱ rä BIDEO, ꞌnepu̱ thädihu̱ nunä rä ntꞌani:
¿Te bi thogi nuꞌmu̱ mäyaꞌmu̱ rꞌa yä jäꞌi de rä hnini Äjuä bi adora yä idolo?
Ndunthi yä jäꞌi di ho dä ndäne ꞌne dä adora yä imagen pa dä senti getbu̱ de Äjuä. Ora pe̱fi njabu̱, mänꞌa di ꞌuege de Geꞌä. Hñetihu̱ Éxodo 20:4-6 ꞌne Salmo 106:35, 36, ꞌnepu̱ thädihu̱ nuya yä ntꞌani:
¿Te mä idolo o te mä kosa xkä handi ge yä jäꞌi di ndäne ꞌne di adora?
¿Te di senti rä Zi Dada Jeoba ora handi ge yä jäꞌi di adora yä imagen?
Xi nuꞌi, ¿te gi mbeni de yä imagen, yä idolo ꞌne de nuꞌu̱ märꞌa yä kosa di adora yä jäꞌi?
5. Rä Zi Dada Jeoba faxkägihu̱ gä ꞌuegehu̱ de nuꞌu̱ yä ntꞌudi hingä mäjuäni
Gä pädihu̱ te di ho rä Zi Dada Jeoba ꞌne gä pe̱päbihu̱ rä bolunta, faxkägihu̱ gä kꞌotꞌihu̱ de nuꞌu̱ yä ntꞌudi hingä mäjuäni. Yꞌe̱ntsꞌihu̱ rä BIDEO.
Hñetihu̱ Salmo 91:14, ꞌnepu̱ thädihu̱ nunä rä ntꞌani:
Ora di mädihu̱ rä Zi Dada Jeoba ꞌne ho̱nse̱ꞌä di adorahu̱, ¿te di promete dä me̱fi po gekhu̱?
6. Nuju̱ di nsundahu̱ ꞌne di adorahu̱ Äjuä ora di ntinihu̱ ha yä mhuntsꞌi
Nuju̱ di nsundahu̱ rä Zi Dada Jeoba ꞌne di nupäbihu̱ yä mfeni märꞌaa, nuꞌmu̱ di tutihu̱ yä zi jähñä ꞌne di unihu̱ mä zi noyahu̱ ora tꞌadi gä partisipahu̱. Hñetihu̱ Salmo 22:22, ꞌnepu̱ thädihu̱ nuya yä ntꞌani:
¿Gi ho nuꞌu̱ yä zi noya uni märꞌaa ora di partisipa ha yä mhuntsꞌi?
¿Gi hohmä gi ñhoki ko rꞌa yä zi noya pa gi partisipa ꞌnehe ha rä mhuntsꞌi?
7. Jeoba xa di ho ora handi ge di petehu̱ märꞌaa näꞌä xtä pädihu̱ de Geꞌä
Ja ndunthi yä forma hanja dä za gä xipäbihu̱ märꞌa näꞌä xtä pädihu̱ de rä Biblia. Hñetihu̱ Salmo 9:1 ꞌne 34:1, ꞌnepu̱ thädihu̱ nunä rä ntꞌani:
De gatꞌho näꞌä xkä pädi de rä Biblia, ¿ndaꞌä gi hohmä gi xipäbi märꞌaa?
RꞌA YÄ JÄꞌI ENÄ: «Mientra gi xo̱kämbeni Äjuä ko gatꞌho ri koraso, hindi mporta te mä relijion gi pe̱ꞌtsi».
Xi nuꞌi, ¿te gi mbeni?
NÄꞌÄ DÄ PÄDIHU̱
Di johyabihu̱ rä koraso rä Zi Dada Jeoba ora ho̱nse̱ꞌä di adorahu̱. ꞌNehe, di nsundahu̱ ꞌne di eꞌspäbihu̱ rä nsu ora di ntinihu̱ ha yä mhuntsꞌi, ꞌne ora di xipäbihu̱ märꞌa näꞌä xtä pädihu̱ de Geꞌä.
Pa gä benihu̱
¿Habu̱ dä za gä pädihu̱ hanja ri ꞌñehe gä adorahu̱ Äjuä?
¿Por hanja di debe gä adorahu̱ ho̱nse̱ rä Zi Dada Jeoba?
¿Por hanja di debe gä adorahu̱ rä Zi Dada Jeoba mähye̱gi ko nuꞌu̱ märꞌa yä ꞌme̱go?
HABU̱ DÄ ZA GI PÄDI MÄ NꞌA TU̱I
Ha rä esperiensia «Yä hindi ja esclavagi nuꞌu̱ yä idolo», hyandi por hanja nꞌa rä zi ꞌme̱hñä nubye̱ senti ge ꞌmu̱i libre dende nuꞌmu̱ bi hye̱pu̱ nuꞌu̱ yä kosa mi adora.
«Rä Mäkä Tꞌofo bi patuäbi yä mꞌu̱i» (La Atalaya, 1 de julio de 2011)
Pädi te dä za dä maxꞌäꞌi pa gi uni nꞌa ri komentario ha yä mhuntsꞌi.
«Ma gä nsundahu̱ Jeoba ha rä mhuntsꞌi» (La Atalaya, enero de 2019)
Hyandi hanja nꞌa rä zi jäꞌi xa bi yꞌo̱tꞌe ntsꞌe̱di po dä ntini ha yä mhuntsꞌi ꞌne geꞌä xä matsꞌi ndunthi.
Ndunthi yä jäꞌi kamfri ge Ñhesukristo bi du ha nꞌa rä ponza. Hänge nuꞌu̱ enä ge di debe gä usahu̱ yä ponza ora di adorahu̱ Äjuä. ¿Pe mäjuäni njabu̱?
«¿Por hanja yä testigo rä Jeoba hindi usahe rä ponza?» (Ehe ha jw.org)
a Nuya yä asunto ma gä handihu̱ ha märꞌa yä lección de nunä mfistꞌofo.