¿Pa te bi hyogägihu̱ Äjuä?

Rä Biblia mää ge gatꞌho yä jäꞌi hingi ꞌmu̱i po ndunthi yä je̱ya, ꞌne durante rä bida pe̱ꞌtsi ndunthi yä sufrimiento ꞌne yä xuñha (Job 14:1). ¿Pe hage geꞌä rä bida ne Äjuä pa gekhu̱? Mu̱ hingä geꞌä rä bida ne pa gekhu̱, ¿te mä mꞌu̱i ne gä pe̱ꞌtsihu̱ rä Zi Dada Jeoba? Hyandi te udi rä Biblia.

1. ¿Te mä bida ne rä Zi Dada Jeoba pa gekhu̱?

Rä Zi Dada Jeoba ne gä pe̱ꞌtsihu̱ nꞌa rä mꞌu̱i temäꞌentho. Nuꞌmu̱ bi hyoki nuꞌu̱ yä mu̱di jäꞌi—Adán ꞌne Eva—bi umbäbi nꞌa rä Paraiso pa dä mꞌu̱i. Nunä Paraiso bi tꞌembäbi rä jardin de Edén. Rä Biblia enä: «Äjuä bi jäpi, ꞌne bi ꞌñembäbi: “Pe̱ꞌtsihu̱ yä bätsi ꞌne ndunthihu̱, ñuꞌtsihu̱ rä Xiꞌmhai ꞌne suhu̱, ꞌne dä yꞌo ha ri yꞌe̱hu̱ gatꞌho”» (Génesis 1:28). Rä Zi Dada Jeoba bi mändabi nuyu̱ yä jäꞌi ge dä ndunthi, ge po gatꞌho rä Xiꞌmhai xä hyoki nꞌa rä paraiso ꞌne ge xä su gatꞌho yä zuꞌue. Näꞌä himbi hyoki yä jäꞌi pa dä du. Näꞌä bi hyoki pa dä mꞌu̱i pa nzäntho nsi yä ñheni nixi yä sufrimiento.

Mäske mäpaya hindi pe̱ꞌtsihu̱ näꞌä rä hogä mꞌu̱i mi ne rä Zi Dada Jeoba pa gekhu̱,a Näꞌä hinxä pumfri näꞌä ne dä me̱fi ko yä jäꞌi ꞌne rä Xiꞌmhai (Isaías 46:10, 11). Näꞌä tobe ne ge yä jäꞌi dä mꞌu̱i pa nzäntho ha rä Xiꞌmhai ꞌne dä me̱ꞌtsi nꞌa rä mꞌu̱i temäꞌentho (hñeti Apocalipsis 21:3, 4).

2. ¿Hanja dä za gä pe̱ꞌtsihu̱ nꞌa rä mꞌu̱i temäꞌentho dende nubye̱?

Rä Zi Dada Jeoba bi hyogägihu̱ pa gä honihu̱ ꞌne gä adorahu̱ (hñeti Mateo 5:3-6, TNM). Näꞌä ne gä pe̱ꞌtsihu̱ nꞌa rä hogä ntsitsꞌi Kongeꞌä, gä yꞌohu̱ ha rä ꞌñuu, gä mädihu̱ ꞌne gä pe̱päbihu̱ ko ngatꞌho mä korasohu̱ (Deuteronomio 10:12; Salmo 25:14). Mu̱ gä o̱dehu̱ näꞌä xikägihu̱ rä Zi Dada Jeoba, ma dä za gä ꞌmu̱ihu̱ ko rä johya dende nubye̱ mäske di thogihu̱ yä xuñha ꞌne yä dumu̱i. Ora di huahnihu̱ gä xo̱kämbenihu̱ rä Zi Dada Jeoba ꞌne gä pe̱päbihu̱, di johyahu̱ ꞌne di sentihu̱ ge mä bidahu̱ mänꞌa ja rä muui.

3. Rä Zi Dada Jeoba ne ge yä jäꞌi dä mꞌu̱i xä ñho

Yꞌe̱ntsꞌihu̱ rä BIDEO, ꞌnepu̱ thädihu̱ nunä rä ntꞌani:

RÄ BIDEO: Nꞌa xe̱ni de rä bideo: ¿Pa te bi hyoki Äjuä rä Xiꞌmhai? (1:41)

• ¿Por hanja Äjuä bi hyoki nꞌa rä Xiꞌmhai xa mähotho?

Hñetihu̱ Eclesiastés 3:11, ꞌnepu̱ thädihu̱ nunä rä ntꞌani:

• ¿Te mi ne rä Zi Dada Jeoba pa gekhu̱ nuꞌmu̱ bi hyogägihu̱?

4. Rä Zi Dada Jeoba hinxä paati näꞌä beni dä me̱fi

Hñetihu̱ Salmo 37:11, 29 ꞌne Isaías 55:11, ꞌnepu̱ thädihu̱ nunä rä ntꞌani:

• ¿Hanja di pädihu̱ ge rä Zi Dada Jeoba hinxä paati näꞌä beni dä me̱fi?

5. Gä pe̱päbihu̱ rä Zi Dada Jeoba, geꞌä bi hänkägihu̱ rä johya

RÄ BIDEO: Dä pädi näꞌä xa mäjuäni japi dä bale mä te (5:03)

• ¿Te mä benefisio bi hñäni Terumi mi bädi de Äjuä?

Hñetihu̱ Eclesiastés 12:13, ꞌnepu̱ thädihu̱ nunä rä ntꞌani:

• Rä Zi Dada Jeoba xä me̱fi ndunthi po gekhu̱. ¿Hänge te di debe gä pe̱fihu̱ pa gä jamädibihu̱?

NÄꞌÄ DÄ PÄDIHU̱

Rä Zi Dada Jeoba ne gä pe̱ꞌtsihu̱ nꞌa rä mꞌu̱i temäꞌentho ꞌne gä ꞌmu̱ihu̱ pa nzäntho ha rä Xiꞌmhai. Ora di honihu̱ rä Zi Dada Jeoba ꞌne di pe̱päbihu̱ ko ngatꞌho mä korasohu̱, geꞌä xa mäjuäni bi hänkägihu̱ rä johya dende nubye̱, ꞌne geꞌä jakägihu̱ gä sentihu̱ ge mä tehu̱ di bale ndunthi.

Pa gä benihu̱

• ¿Pa te bi hyoki rä Zi Dada Jeoba Adán ꞌne Eva?

• ¿Hanja di pädihu̱ ge rä Zi Dada Jeoba hinxä paati näꞌä beni dä me̱fi po yä jäꞌi?

• ¿Te mähyoni gi pe̱fi pa njabu̱ dä za gi pe̱ꞌtsi näꞌä xa mäjuäni rä johya dende nubye̱?

HABU̱ DÄ ZA GI PÄDI MÄ NꞌA TU̱I

Te mä prueba rꞌakägihu̱ rä Biblia nuꞌu̱ udi ge xa mäjuäni bi nja rä jardin de Edén.

«Rä jardin de Edén: ¿Ho̱nse̱ nꞌa rä kuentotho?» (La Atalaya, 1 de enero de 2011)

Pädi por hanja dä za gä kamfrihu̱ ge rä Xiꞌmhai nunka ma dä thege.

«¿Ma dä thege rä Xiꞌmhai?» (Ehe ha jw.org)

Hyandi te udi rä Biblia de por hanja di ꞌmu̱hu̱ua ha rä Xiꞌmhai.

«¿Por hanja xtä ehu̱ua ha rä Xiꞌmhai?» (Ehe ha jw.org)

Hyandi hanja nꞌa rä ñꞌo̱ho̱ näꞌä mi senti ge mi pe̱ꞌtsi gatꞌho, bi dini näꞌä xa mäjuäni rä johya mi ꞌme̱päbi.

«¡Por fin dä tini näꞌä xa mäjuäni rä johya!» (3:55)