Sigi gi tso̱ni yä jäꞌi

Näꞌä bi me̱fi rä apostol Pablo

RÄ BIDEO: Rä apostol Pablo sigi ungä ntꞌo̱de de rä Noya Äjuä ha Éfeso

1. Hyandi rä BIDEO o hñeti Hechos 19:​8-10. ꞌNepu̱ thädi nuya yä ntꞌani:

1. ¿Hanja di pädihu̱ ge rä apostol Pablo bi sigi bi predika mäske hingä gatꞌho yä jäꞌi mi ne bädi de Äjuä?

2. ¿Por hängu tiempo bi sigi rä apostol Pablo bi predikabi nuꞌu̱ yä jäꞌi hää mi ne dä bädi de Äjuä?

¿Te utkägihu̱ rä ejemplo rä apostol Pablo?

2. Pa dä za gä pengi gä tso̱nihu̱ yä zi jäꞌi ꞌne gä fu̱tihu̱ nꞌa rä curso de rä Mäkä Tꞌofo, ja mꞌe̱di gä hutsꞌihu̱ de mä partehu̱ ꞌne gä ꞌuekehu̱ de mä tiempohu̱.

De̱mbäbi rä ejemplo rä apostol Pablo

3. Tso̱ni yä jäꞌi ha näꞌä rä pa ꞌne näꞌä rä ora dä xiꞌäꞌi. Ñꞌanise̱: «¿Te mä pa ꞌne te mä ora ja rä tiempo näꞌä zi jäꞌi? ¿Habu̱ dä hohmä gä nthe̱he pa gä nxadihe?». ꞌUeke ri tiempo pa gi tso̱ni yä jäꞌi ha näꞌä ora dä xiꞌäꞌi.

4. Yꞌambäbi te mä pa dä za gi pengi. Änte gi ꞌñedi, yꞌambäbi näꞌä zi jäꞌi te mä pa ꞌne te mä ora dä za gi pengi mänꞌaki pa gi sigi gi ꞌñuti de Äjuä. Po rä mäte, oxki ma gi pumfri gi pengi ha näꞌä rä pa gä kohihu̱.

5. Ogi rinde. Ogi mbeni ge näꞌä jäꞌi hinte ne dä bädi de Äjuä ngeꞌä hingi tsu̱di ha rä nguu o nzäntho ja ndunthi rä ꞌme̱fi ꞌne hingi tsa dä atiendeꞌi (1 Cor. 13:​4, 7). Ogi rinde. Sigi gi tso̱ni ꞌne hyoni te mä pa pe̱ꞌtsi mä nꞌa tu̱i rä tiempo. Kada gi mplatikahu̱, probecha xä ñho rä tiempo (1 Cor. 9:26).