Rꞌa yä presentasion
Hanja gä fu̱dihu̱ yä estudio ha näꞌä mu̱di nsabdo de rä disiembre
«Di thogihe pa di ze̱njuahe gatꞌho yä zi familia. ꞌNe di handi ge ndunthi yä dada ꞌne yä nänä di ho dä hyandi nuꞌmu̱ yä zi bätsi di mädi Äjuä. ¿Gi kamfri ge yä dada ꞌne yä nänä ri ꞌñepi dä ꞌñuti yä zi bätsi dä mädi Äjuä o go ri ꞌñepi yä bätsi dä bädi ꞌne dä hyonise̱ Äjuä? [Hyopi dä dädi näꞌä rä jäꞌi.]» ꞌNepu̱, ju̱ rä rebista La Atalaya 1 de diciembre, hñeti näꞌä rä mu̱di ntꞌani ko rä mpengi hutsꞌi ha rä xu̱tha nunä rebista ꞌne ꞌñuti te mää nꞌa de nuꞌu̱ yä testo huxpu̱. Nubye̱, umbäbi näꞌä rebista, ꞌne xipäbi ge ma gi pengi pa gi hyandi kongeꞌä näꞌä mä nꞌa rä ntꞌani huxpu̱.
La Atalaya 1 de diciembre
«Di thogihe ho̱nse̱ nꞌa hängu minuto pa di ze̱njuahe yä zi jäꞌi ꞌne di ñähe de Äjuä. Di handihe ge kasi gatꞌho yä zi jäꞌi kamfri ge ꞌmu̱i Äjuä, pe mäske njabu̱, rꞌaa senti ge xä ñhei dä ntsitsꞌi kongeꞌä. Xi nuꞌi, ¿gi kamfri ge Äjuä turämu̱i po kada nꞌa de nuju̱ ꞌne nugägihu̱ ngu yä amigogihu̱? [Hyopi dä dädi näꞌä rä jäꞌi.] Rä Mäkä Tꞌofo xikägihu̱ te ne Äjuä gä pe̱fihu̱ pa dä za gä ntsitsꞌihu̱ kongeꞌä. [Hñeti Santiago 4:8a.] Nunä rebista mää hñuu yä tꞌo̱tꞌe näꞌä dä za gä pe̱fihu̱ pa dä za gä ntsitsꞌihu̱ ko Äjuä.»
¡Despertad! Diciembre
«Di thogihe ho̱nse̱ nꞌa hängu minuto pa di ze̱njuahe yä zi jäꞌi. Di handihe ge kasi gatꞌho tuyämu̱i po nuꞌu̱ yä ñheni di nheki mäpaya. Rä Organización Mundial de la Salud, mää ge xä hyandi hanja nꞌaa de kada goho yä jäꞌi pe̱ꞌtsi nꞌa rä ñheni ha yä ñäxu, nꞌa de gehyu̱ tꞌembi rä depresion o rä ntso̱ꞌmi ntsꞌe̱di. ¿Gi kamfri ge nꞌa rä pa dä mꞌe̱di nuya yä ñheni? [Hyopi dä dädi näꞌä rä jäꞌi.] Rä Mäkä Tꞌofo mää ge ma dä mꞌe̱di yä ñheni ꞌne yä u̱gi. [Hñeti Apocalipsis ó Revelación 21:3, 4.] Nunä rebista udi näꞌä mähyoni gä pädihu̱ de nunä rä ñheni ngu rä depresion, o märꞌa yä ñheni nguyu̱tho.»