Ma gä uñhu̱ yä imbitasio
1. ¿Hämꞌu̱ ma gä fu̱dihu̱ gä uñhu̱ yä imbitasio pa rä däta mhuntsꞌi regional?
1 Mu̱ ma gi gasta ri bojä ꞌne ri tiempo pa gi hyokuäbi nꞌa rä ñhuni nuꞌu̱ ri ntsitsꞌi o ri pariente, ¿hänge ko ndunthi rä johya ma gi mbitabi pa dä ntini? Njabu̱ ꞌnehe, xä zitsꞌi ndunthi rä bojä ꞌne rä tiempo pa xä thoki näꞌä rä ñhuni de rä Noya Äjuä ma dä tꞌuni ha näꞌä däta mhuntsꞌi regional xä ꞌñepu̱, ꞌne rä Zi Dada Jeoba xä rꞌakägihu̱ rä däta nsu de gä mbitabihu̱ märꞌa yä zi jäꞌi. Ma gä fu̱dihu̱ gä unihu̱ yä imbitasio hñu semänä änte de zo̱ho̱ nunä däta mhuntsꞌi. ¿Te ma dä maxkägihu̱ pa gä uñhu̱ nuya yä imbitasio ko ndunthi rä johya?
2. ¿Por hanja ma gä o̱thu̱ ntsꞌe̱di po gä mfaxtehu̱ ha näꞌä campaña?
2 Mu̱ gä ntso̱ꞌmihu̱ hängu xä maxkägihu̱ nuꞌu̱ yä ntꞌudi di rꞌakägihu̱ rä Zi Dada Jeoba ha nuya yä däta mhuntsꞌi regional, geꞌä ma dä jakägihu̱ gä o̱tꞌehu̱ ntsꞌe̱di po gä mfaxtehu̱ ha nunä campaña ꞌne gä häꞌspäbihu̱ yä zi jäꞌi yä imbitasio (Is. 65:13, 14). ꞌNehe, mähyoni gä benihu̱ ge tatꞌä je̱ya, xtä pe̱ꞌtsihu̱ yä hogä esperiensia (hyandi rä rekuadro «Yä hogä esperiensia»). Mäske hingä gatꞌho ma dä ntini ha rä däta mhuntsꞌi nuꞌu̱ ma gä umbäbihu̱ nꞌa rä imbitasio, di pädihu̱ ge näꞌä ma gä pe̱fihu̱ durante nunä campaña, ma dä nheki hängu rä ñhojäꞌi mä Zi Dadahu̱ Jeoba ꞌne ma gä eꞌspäbihu̱ rä nsu (Sal. 145:3, 7; Apoc. 22:17).
3. ¿Hanja ma gä jahu̱ pa gä uñhu̱ yä imbitasio?
3 Yä ansiano de kada nꞌa rä mhuntsꞌi, ma dä hyandi hanja dä za dä tꞌuni ndunthi yä imbitasio, ꞌne mu̱ dä hogi dä tꞌuni nuꞌmu̱ di thutsꞌi nuꞌu̱ yä bo̱jä o nuꞌu̱ yä mexa de gä tꞌungä ntꞌo̱de, o mu̱ dä za dä tsꞌogi ha nuꞌu̱ yä nguu habu̱ hindä thini yä jäꞌi. De gä nsabdo ꞌne de gä ndomingo ma dä tꞌungä ntꞌo̱de ko yä rebista mähye̱gi ko yä imbitasio. Xti uadi nunä rä campaña, ma gä pe̱ꞌtsihu̱ ndunthi rä johya de gä pädihu̱ ge dä o̱tꞌehu̱ ntsꞌe̱di po dä mbitabihu̱ yä jäꞌi pa bi ntini kongekhu̱ ꞌne bi hñäni näꞌä mäkä ñhuni xpi ꞌñehe de Jeoba.