Usa näꞌä rä tsꞌe̱di pe̱ꞌtsi rä Mäkä Tꞌofo nuꞌmu̱ gi ungä ntꞌo̱de
Nuꞌmu̱ di uñhu̱ ntꞌo̱de ꞌne di tinihu̱ nꞌa rä jäꞌi näꞌä di ho dä yꞌo̱de, xa dä hogi gä ju̱kihu̱ rä Mäkä Tꞌofo pa gä utihu̱ te mää. ¿Por hanja? Ngeꞌä rä Noya Äjuä mänꞌa ja ndunthi rä tsꞌe̱di. Geꞌä dä pädihu̱ näꞌä je̱ya bi thogi ha näꞌä däta mhuntsꞌi de gä nꞌapa, ha näꞌä rä thoꞌtsi rä thuhu “Usemos al máximo el poder de la Palabra de Dios en el ministerio”. Ma gä beñhu̱ nꞌa tu̱i näꞌä bi mää rä superintendente de circuito ha nunä thoꞌtsi bi uni.
¿Por hanja nuꞌu̱ yä noya Jeoba mänꞌa xa ja rä tse̱di ke nuꞌu̱ mä noyase̱hu̱? (2 Tim. 3:16, 17.)
¿Por hanja dä za gä mäñhu̱ ge rä Mäkä Tꞌofo ju̱ki näꞌä di tsahu̱, näꞌä di mbenihu̱, ꞌne paati mä mfenihu̱ ꞌne mä mꞌu̱ihu̱? (Hyandi rä rebista La Atalaya 15 de junio de 2012, rä nxii 27, rä parrafo 7.)
Ora di hetihu̱ nꞌa rä testo nuꞌmu̱ di uñhu̱ ntꞌo̱de, ¿te dä za gä pe̱hu̱ pa njabu̱ yä jäꞌi dä me̱ꞌtsuäbi rä tꞌekꞌei rä Mäkä Tꞌofo? (Hyandi rä mfistꞌofo Benefíciese, rä nxii 148, rä parrafo 3 ꞌne 4, ꞌne Nuestro Ministerio del Reino de marzo de 2013, rä nxii 6, rä parrafo 8.)
Ora di hetihu̱ nꞌa rä testo de rä Mäkä Tꞌofo, ¿por hanja mähyoni gä xipäbihu̱ yä jäꞌi te ne dä mää näꞌä testo ꞌne hanja dä za gä jahu̱? (Hech. 17:2, 3; hyandi rä mfistꞌofo Benefíciese, rä nxii 154, rä parrafo 4, asta rä nxii 156, rä parrafo 5.)