Job bi ñꞌo mänjuäntho ha rä ꞌñuu Äjuä mäske bi thogi yä xuñha

Job bi mꞌu̱i ha rä hnini Us durante nuꞌu̱ yä je̱ya mi mꞌe̱go yä israelita ha Egipto. Mäske Job hingä mi rä israelita näꞌä bi me̱päbi ꞌne bi ñꞌo mänjuäntho ha rä ꞌñuu Jeoba. Job mi pe̱ꞌtsi nꞌa rä däta familia, xa mi rä riko ꞌne gatꞌho yä jäꞌi mi pe̱ꞌspäbi rä tꞌekꞌei. Näꞌä mi fädi ngu nꞌa rä hogä consejero ꞌne ngu nꞌa rä hogä nzaya näꞌä mi o̱tꞌe rä justisia. ꞌNehe mi fatsꞌi nuꞌu̱ mi yä zi hyoya ꞌne mi umbäbi näꞌä mi japäbi mꞌe̱di. Job nunka bi ꞌuengi de yä ꞌñuu Jeoba.

Job bi ꞌñudi xä ñho hängu mi mädi rä Zi Dada Jeoba

1:8-11, 22; 2:2-5

• Rä Zithu bi hyandi hanja Job mi pe̱päbi rä Zi Dada ko ngatꞌho rä koraso ꞌne nzäntho mi o̱te. Rä Zithu nunka bi nega ge Job mi o̱te Jeoba; pe hää bi mää ge Job hingä xa mäjuäni mi mädi Jeoba.

• Rä Zithu bi mää ge Job mi o̱te Jeoba ho̱nse̱ po nuꞌu̱ yä jäpi mi häni de geꞌä.

• Pa bi ꞌñudi ge hingä mäjuäni näꞌä xki mää rä Zithu, Jeoba bi umbäbi nse̱ki pa bi yꞌo̱tpäbi yä däta xuñha Job.

• Mi hyandi rä Zithu ge Job himbi ꞌuege de Äjuä, nubye̱ bi mää ge gatꞌho yä jäꞌi hingä xa mäjuäni di mädi Jeoba.

• Job nunka bi hyo̱xä rä thai Jeoba de nuꞌu̱ yä xuñha bi thogi nixi bi ñämäñꞌu̱ de geꞌä.