Xi nuꞌi, ¿ya gi usa rä aplicación JW Library?

¿Te me̱ꞌä näꞌä aplicación JW Library? Nuni nꞌa rä programä xä thoki pa dä za gi descarga rä Mäkä Tꞌofo ha ri celular, ha ri tablet o ha ri computadora. ꞌNehe dä za gi descarga märꞌa yä publicación ngu yä bideo ꞌne yä grabasio de yä he̱ꞌmi.

HANJA DÄ ZA GI PE̱ꞌTSI. Nꞌaa, ku̱tꞌi ha Internet. Yoho, ku̱tꞌi ha rä tienda de aplicaciones. Hñuu, hyoni JW Library pa gi descarga ꞌne gi instala ha ri celular o tablet. Goho, xoki JW Library ꞌne huahni te mä he̱ꞌmi o publicación gi ne gi descarga. Nunä aplicación xä thoki pa dä gu̱ kasi gatꞌho yä celular o tablet. Mu̱ hingi pe̱ꞌtsi Internet ha ri nguu, dä za gi ma ha rä ngu nꞌa ri amigo, ha nꞌa rä biblioteka, ha rä Ngu de gä Mhuntsꞌi mu̱ ja Internet o ha mä nꞌa rä luga habu̱ bi ja. Xki huadi gi descarga nuꞌu̱ yä he̱ꞌmi ha ri celular o tablet, ya dä za gi usa mäske hingi pe̱ꞌtsi Internet. Nunä aplicación yꞌo ri thoki mänꞌa xä ñho, hänge dä hogi gi actualiza njatꞌä.

POR HANJA DÄ HOGI GI PE̱ꞌTSI. JW Library faxte ndunthi pa gi tini näꞌä imformasion nuꞌmu̱ gi nxadise̱ rä Mäkä Tꞌofo o pa gi ñhoki ko yä mhuntsꞌi. ꞌNehe dä za gä usahu̱ nuꞌmu̱ di po̱ñhu̱ di uñhu̱ ntꞌo̱de, asta nuꞌmu̱ di uñhu̱ ntꞌo̱de ha rä tai, ha rä ꞌme̱fi o ha märꞌa yä luga.