Mu̱ hindi hoñhu̱ ndunthi yä tꞌo̱tꞌe mänꞌa ma dä za gä pe̱päbihu̱ Äjuä

Mäpaya ja ndunthi yä tꞌo̱tꞌe nuꞌu̱ hägägihu̱ mä tiempohu̱ ꞌne jakhu̱ dä zabigihu̱. Ja ngu nuꞌmu̱ di taihu̱, di jutꞌihu̱, di usahu̱, di umbäbihu̱ rä mantenimiento ꞌne di suhu̱ nuꞌu̱ yä tꞌo̱tꞌe di pe̱ꞌtshu̱. Rä Hesu himbi hyoni dä me̱ꞌtsi ndunthi yä tꞌo̱tꞌe ꞌne geꞌä bi matsꞌi pa bi kumpli ko näꞌä ꞌme̱fi xki umbäbi Äjuä (Mt 8:20).

¿Xi nuꞌi? ¿Dä za gi tsopu̱ rꞌa yä tꞌo̱tꞌe nuꞌu̱ häkꞌäꞌi ri tiempo pa mänꞌa dä za gi ungä ntꞌo̱de? Zäi ge asta dä za dä mprekursor nꞌa de nuꞌu̱ ri familia gi ꞌmu̱hui. Mu̱ nuꞌi ya gi pe̱päbi Äjuä ngu nꞌa rä prekursor, ¿gi hopäbi ge rä ꞌme̱fi o märꞌa yä tꞌo̱tꞌe dä hñäkꞌäꞌi ri tiempo? Mu̱ nuꞌi hingi hyoni gi pe̱ꞌtsi ndunthi yä tꞌo̱tꞌe, mänꞌa ma gi pe̱ꞌtsi rä tiempo pa gi pe̱päbi rä Zi Dada Jeoba ꞌne geꞌä ma dä rꞌaꞌi ndunthi rä johya (1Ti 6:7-9).

Yꞌofo te dä za gi pe̱fi pa gi tsopu̱ nuꞌu̱ yä tꞌo̱tꞌe häkꞌäꞌi ri tiempo