Rꞌa yä presentasion pa nunä zänä

¡DESPERTAD!

Rä ntꞌani: ¿Gi kamfri ge xä ñho gä o̱thu̱ ntsꞌe̱di po gä pe̱ꞌtshu̱ yä hogä nzäi?

Rä testo: Ec 7:8a

Rä he̱ꞌmi: Nunä rebista udi rꞌa yä tsꞌofo de rä Mäkä Tꞌofo nuꞌu̱ ma dä maxkägihu̱ gä pe̱ꞌtshu̱ rꞌa yä hogä nzäi pa gä ꞌmu̱hu̱ mänꞌa xä ñho.

¡DESPERTAD!

Rä ntꞌani: Durante mä tehu̱ thogi yä tꞌo̱tꞌe nuꞌu̱ di paati mä mꞌu̱ihu̱. ¿Te ma dä maxkägihu̱ pa gä ñhantꞌmehu̱ nuꞌu̱ yä mpadi?

Rä testo: Ec 7:10

Rä he̱ꞌmi: [Hyoni näꞌä artikulo ehe ha rä nxii 10]. Nunä artikulo uni rꞌa yä tsꞌofo de rä Mäkä Tꞌofo nuꞌu̱ ma dä maxkägihu̱ yä ñhantꞌmehu̱ nuꞌu̱ yä mpadi thogi ha mꞌu̱ihu̱.

YꞌO̱TE ÄJUÄ PA DÄ ZA GI ꞌMU̱I PA NZÄNTHO

Rä ntꞌani: Kada nꞌa rä jäꞌi, pe̱ꞌtsi rä thuhu. ¿Pe xi Äjuä? ¿Gi kamfri ge ꞌnehe ja rä thuhu?

Rä testo: Sl 83:18

Rä he̱ꞌmi: Nunä foyeto udi hanja rä Mäkä Tꞌofo utkägihu̱ mä ndunthi de Äjuä. [ꞌÑuti näꞌä rä nxii 6 ꞌne 7.]

PA GI YꞌOFOSE̱ RI PRESENTASION

Hyandi hanja ehe nuꞌu̱ yä presentasion, pa gi hyokise̱ nꞌa ri presentasion.