Hanja dä za gä unihu̱ yä hogä komentario

Nuꞌu̱ yä hogä komentario nupäbi yä mfeni gatꞌho yä ku de rä mhuntsꞌi (Ro 14:19). ꞌNehe toꞌo di komenta tini ndunthi rä johya (Pr 15:23, 28). Po geꞌä, mähyoni gä o̱thu̱ ntsꞌe̱di po gä uñhu̱ por lo menu nꞌa rä komentario ha kada nꞌa rä mhuntsꞌi. Pe mu̱ gä hokihu̱ ndunthi yä komentario, mänꞌa ma gä pe̱ꞌtsihu̱ yä oportunida de gä komentahu̱.

¿Hanja dä za gi uni yä hogä komentario?

• Ogi mää xa ndunthi yä noya. Usa nuꞌu̱ yä noya hinxä ñhei toꞌo dä ntiende. Hyandi ge di o rä ꞌñuu näꞌä ri komentario, ꞌne hindä thogi de 30 yä segundo.

• Mänꞌa dä hogi gi komenta näꞌä gä ntiende ꞌne hingi hñeti näꞌä hutsꞌi ha rä he̱ꞌmi.

• Ogi mää mänꞌaki näꞌä ya bi komenta märꞌa yä ku.

¿Te dä hogi gi pe̱fi mu̱ go mä gi uni rä mu̱di komentario de nꞌa rä ntꞌani?

• Thädi ho̱nse̱ näꞌä rä ntꞌani bi tꞌo̱tꞌe ꞌne ogi mää xa ndunthi yä noya.

Mu̱ yä ku ya bi dädi näꞌä rä ntꞌani, ¿te mä nꞌa dä za gi mää?

• Usa nꞌa rä testo pa gi ꞌñudi hanja fatsꞌi näꞌä ntꞌudiꞌä.

• Mää hanja dä za dä maxꞌäꞌi ha ri mꞌu̱i.

• Mää hanja dä za gä usahu̱ näꞌä imformasion pa gä fatsꞌihu̱ märꞌaa.

• Mää nꞌa rä tꞌu̱kä esperiensia pa dä matsꞌi näꞌä punto di nxadihu̱.