«¡Xi di ꞌmakua! ¡Go dä pe̱nkägi!»

Isaías bi zoogi nꞌa rä hogä kꞌoi pa gekhu̱. Näꞌä bi ꞌñudi ge mi pe̱ꞌspäbi ndunthi rä komfiansa Jeoba, ngeꞌä mäske himi pädi xä ñho gatꞌho yä detalle, näꞌä nguntꞌä bi ꞌñenä ge hää mi ne dä ma habu̱ go xä me̱hni Jeoba (Isa 6:8). ¿Dä za gi ja rꞌa yä mpadi ha ri mꞌu̱i pa dä za gi ma gi mfaxte habu̱ bi ja mꞌe̱di märꞌa yä publikador? (Sl 110:3.) Mäjuäni ge mähyoni mꞌe̱tꞌo gä hudi gä ntso̱ꞌmihu̱ pa gä hanthu̱ te gatꞌho di ja mꞌe̱di (Lu 14:27, 28). Pe xtä handihu̱ ge pa dä tꞌungä ntꞌo̱de rä Noya Äjuä, pe̱ꞌtsi te dä tꞌo̱tꞌe yä sacrificio (Mt 8:20; Mr 10:28-30). Ja ngu udi rä bideo Dä ma dä ꞌmu̱he habu̱ xa di ja mꞌe̱di rä mfatsꞌi, nuꞌu̱ yä jäpi ma gä hänihu̱ mänꞌa ndunthi ke nuꞌu̱ yä sacrificio.

MꞌE̱FA DE GI HYANDI RÄ BIDEO, THÄDI NUYA YÄ NTꞌANI:

• ¿Te mä sacrificio bi ja rä familia Williams pa bi ma bä ungä ntꞌo̱de ha Ecuador?

• ¿Te bi yꞌo̱tꞌe ngue̱nda nunä familia änte de xä huahni näꞌä luga habu̱ ma xä mfaxte?

• ¿Te mä jäpi bi hñäni?

• ¿Habu̱ dä za gä tinihu̱ mä nꞌa tu̱i rä imformasion?

DURANTE RI MHUNTSꞌI DE GÄ FAMILIA, THÄDIHU̱ NUYA YÄ NTꞌANI:

• ¿Hanja dä za gä mfaxtehu̱ habu̱ bi ja mꞌe̱di rä mfatsꞌi? (km-S 8/11 yä nxii 4-6.)

• Mu̱ hingi tsa gä mahu̱ ha mä nꞌa rä luga, ¿hanja dä za gä mfaxtehu̱ mä nꞌa tu̱i ha mä mhuntsꞌihu̱? (w16.03-S yä nxii 23-25.)