Rꞌa yä presentasion pa nunä zänä

Rä ntꞌani: ¿Gi kamfri ge nꞌa rä pa dä nja nꞌa rä hogä mꞌu̱i ha rä Xiꞌmhai?

Rä testo: Sl 72:7

Rä he̱ꞌmi: Äjuä di promete dä hñäki yä tuhni ꞌne yä ntsꞌomꞌu̱i de rä Xiꞌmhai. Pe ꞌnehe di promete ge nuꞌu̱ yä jäꞌi pe̱päbiꞌä, ma dä me̱ꞌtsi nꞌa rä hogä mꞌu̱i. Nunä mfistꞌofo xä matsꞌi ndunthi yä jäꞌi dä bädi de Äjuä, di pädi ge mu̱ gi hñeti ma dä maxꞌäꞌi ꞌnehe.

Rä ntꞌani: ¿Hängu gi kamfri ge di ꞌme̱di pa dä zo̱ho̱ rä fin?

Rä testo: Mt 24:3, 7, 14

Näꞌä mäjuäni: Yä profesia de rä Mäkä Tꞌofo udi ge ya di ꞌmu̱hu̱ ha yä gäxä pa. Pe nunä nꞌa rä hogä notisia, ngeꞌä mꞌe̱fa ma dä ꞌñepu̱ yä pa xä ñho.

Rä ntꞌani: ¿Gi hohmä gi ꞌmu̱i ha nꞌa rä Xiꞌmhai njaua?

Rä he̱ꞌmi: [ꞌÑuti näꞌä jäꞌi rä nxii 2 ꞌne 3 de rä foyeto]. Rä Mäkä Tꞌofo di promete ge mänꞌitꞌho Äjuä ma dä hyoki mähotho rä Xiꞌmhai, habu̱ ya hindä nja rä ñhoya nixi yä ñheni. Pe ¿te mähyoni gä pe̱fihu̱? [Hñeti nuꞌu̱ yä noya ꞌne näꞌä testo huxä mäñä de rä nxii 3.] Nuua enä ge mähyoni gä o̱tehu̱ Äjuä. ¿Pe hanja dä za gä o̱tehu̱ mu̱ hindi handihu̱? Hyandi te mää nuua ha yä nxii 4 ꞌne 5.