Di tꞌini xa ndunthi yä jäꞌi ko rä mfatsꞌi nꞌa hängutho

Änte de rä Paskua de rä je̱ya 32 de rä era común, rä Hesu bi ja nꞌa rä däta milagro. Nunä milagro bi tꞌofo ha nuꞌu̱ goho yä Evangelio.

Näꞌä milagroꞌä, bi ꞌñudi näꞌä ma xä me̱fi rä Hesu asta mäpaya.

14:16-21

• Rä Hesu bi ꞌñuti yä de̱ni hanja dä ꞌuini nꞌa däta muntsꞌi yä jäꞌi, mäske nuꞌu̱ mi mbeni ge hinxä uadi ngeꞌä ho̱nse̱ mi pe̱ꞌtsi ku̱tꞌa yä thuhme ꞌne yoho yä peskado.

• Rä Hesu bi gu̱ nuꞌu̱ yä thuhme ꞌne nuꞌu̱ yä peskado ꞌne mꞌe̱fa de bi ja nꞌa rä sadi, bi hyeke ꞌne bi umbäbi nuꞌu̱ yä de̱ni. ꞌNepu̱ nuyu̱ bi matsꞌi rä Hesu dä ꞌuini gatꞌho yä jäꞌi.

• Rä Hesu bi japi dä xu nuꞌu̱ yä thuhme ꞌne nuꞌu̱ yä peskado pa bi za bi ñuni nuꞌu̱ yä mꞌotho yä jäꞌi.

  

• Rä Hesu bi mää ge ha nuꞌu̱ yä gäxä pa, ma xä hñutsꞌi nꞌa rä maxte pa dä uni «rä ñhuni ora mähyoni» (Mt 24:45).

• Ha näꞌä rä je̱ya 1919, rä Hesu bi huahni nꞌa «rä ꞌme̱go, rä hogä yꞌo̱de ꞌne xa ja rä mfeni» —nꞌa rä tꞌu̱kä grupo de nuꞌu̱ kristianu xä thahni pa dä ma mähetsꞌi—. Rä Hesu bi hñutsꞌi nunä hogä ꞌme̱go pa dä umbäbi rä ñhuni gatꞌho «nuꞌu̱ märꞌa yä ꞌme̱go».

• Rä Hesu bi huahni nunä tꞌu̱kä grupo pa dä ꞌuini yä mꞌotho yä jäꞌi ja ngu bi ja ha rä mu̱di siglo.

¿Hanja dä za gä udi ge di rekonose ꞌne di umbäbi rä tꞌekꞌei näꞌä rä ꞌme̱go xä hñutsꞌi rä Hesu pa dä umbäbi yä jäꞌi näꞌä rä ñhuni de rä Noya Äjuä?